Azərbaycanda tələbələrə təhsil krediti təklif olunub

Bakı

Azərbaycanda ali məktəb tələbələri təhsil krediti ala biləcəklər. Bunun üçün onlar hər hansı universitetin əyani şöbəsində oxumalı və akademik borcları olmamalıdır. Xarici tələbələr və xaricdə təhsil alan Azərbaycan vətəndaşları bu kreditlərdən yararlana bilməyəcək.

Azərbaycanın Təhsil Nazirliyinin mətbuat katibi Cəsarət Valehov Facebook-dakı paylaşımı ilə sosial şəbəkə istifadəçilərini maraqlandırıb. “Bu gün Azərbaycan təhsil tarixində çox mühüm hadisə ilə yadda qalacaq. Bizi izləyin”, – o yazıb.

Sosial şəbəkələrin Azərbaycan seqmentinin istifadəçiləri 2021-ci il noyabrın 25-də hansı “mühüm hadisənin” baş verəcəyilə bağlı ehtimallar haqda düşünüblər. Hətta Azərbaycan məktəblərində rus sektorunun bağlanacağı versiyası da səslənib. Kimisi isə ölkədə təhsilin birdəfəlik qadağan olunacağı ilə bağlı zarafat edib.

Əslində məsələ çox banal olub. Təhsil Nazirliyi tələbələrə təhsil kreditlərinin veriləcəyini elan edib.

Kim təhsil krediti ala bilər?

Xüsusi keçirilən brifinqdə təhsil nazirinin müavini İdris İsayev bildirib ki, qəbul imtahanında müəyyən edilmiş minimum balı toplayan və tələbə olmaq hüququ qazananlar təhsil krediti ala biləcəklər.

Beləliklə bakalavrlar üçün müəyyən edilmiş minimum bal 300 (mümkün 700 baldan), magistrlar üçün 50 (mümkün 100 baldan) və subbakalavriat üçün 110dur (mümkün 300 baldan).

Belə tələbələr ali məktəbdə təhsil aldıqları ilk semestrdə bu krediti artıq ala biləcəklər. Gələcəkdə onlar yeni kreditlər ala bilərlər, amma akademik borcların olmaması şərtilə.

Təhsil kreditindən həm dövlət, həm də özəl universitetlərin tələbələri yararlana bilər. Amma yalnız əyani şöbədə təhsil alanlar.

Xarici tələbələr və xaricdə təhsil alan Azərbaycan vətəndaşları kreditdən yararlana bilməyəcək.

Kreditlər hansı faizlə verilir?

Təhsil kreditləri girov və zəmanət tələb edilmədən 12 ildən 21 ilə qədər veriləcək. Beləliklə, təminatsız tələbələr illik iki faizlə kreditdən yararlana biləcəklər. digərləri üçün illik altı faiz nəzərdə tutulub. Bütün kreditlər ancaq milli valyuta – Azərbaycan manatı ilə verilir.

Həmçinin tələbənin tədris prosesindəki uğurlarından çıxış edərək kreditin əsas məbləğinin və faizlərinin çevik hesablama sistemləri də mövcuddur.

Əgər tələbənin imtahanlarda orta balı 71-dən (maksimum bal – 100) yüksəkdirsə, o, bu semestr üşün faizlərin ödənməsindən azad edilir.

Əgər tələbənin universitetdə tədris prosesində ortalama balı 91 baldan yüksəkdirsə, o, təhsil aldığı illərdə götürdüyü kreditin əsas məbləğin 25 faizini ödəməkdən azad edilir. Həmçinin tələbə ortalama balı 91-dən yüksək olduğu semestrdə kredit üzrə faizləri ödəməkdən də azad olunur.

Tələbə kreditləri üzrə başqa hansı güzəştlər nəzərdə tutulub?

Təhsil krediti üzrə ödənişlər müəyyən müddətə dayandırıla bilər, əgər kreditor:

Daha yüksək səviyyədə təhsil almaq hüququ qazansa;
Həqiqi hərbi xidmətə çağırılıb;
Azadlıqdan məhrum edilib (dörd ildən daha çox müddətə);
Hamiləlik məzuniyyəti, üç yaşına qədər uşağına qulluq, 18 yaşınadək əlilliyi olan uşaqlara qulluq, birinci qrup əlilliyi olan şəxslərə qulluq müddətində.

Şərhlər

Tələbə krediti haqda xəbər sosial şəbəkələrin Azərbaycan seqmentində qızğın müzakirələrə və çox sayda suala səbəb olub:

“Mən ikinci ali təhsil almaq istəsəm, onda birinci təhsil üçün kredit necə olsun?”

“Əvvəlcə ali məktəb məzunlarının işlə təmin olunması haqda düşünmək lazımdı. Onlar kredit üzrə borclarını qaytarmaq üçün harda pul qazanacaqlar? Heç kim üçün sirr deyil ki, məzunların böyük əksəriyyəti iş tapa bilmir”.

“Bu ölkədə hər şey kreditlə həll olunur. Heç kim yaxşı maaşların olması haqda düşünmür. Borca yaşayırıq. İndi artıq tələbəlikdən etibarən”.