Azərbaycanda İslam Həmrəyliyi Oyunlarında misilsiz təhlükəsizlək tədbirləri

Azərbaycan 2017-ci il mayın 12-dən 22-ə qədər davam edəcək 4-cü İslam Həmrəyliyi Oyunlarında misilsiz təhlükəsizlik tədbirləri hazırlanıb. Bu barədə Oyunların təşkilat komitəsi öz yekun iclasında məlumat verib.

Təhlükəsizliyi ümumilikdə 12 mindən artıq polis işçisi, o çümlədən 252 nəfər qadın əməkdaş  təmin edəcək, APA informasiya agentliyinə DİN ictimai təhlükəsizlik idarəsi rəisi rəhbəri Oqtay Kərimov bildirib.

Buraxılış məntəqələrində 154 ədəd X-Ray aparatı və 286 stasionar metal detektoru quraşdırılacaq.

Bütün mühafizə olunan obyektlərdə istifadə olunacaq altı yüz Motorola mobil stansiyası alınıb və ölkəyə gətirilib.

Xidmətinin rəisi Vaqif Axundov bildirib ki, Mühafizə Xidməti təhlükəsizliyi təmin edənlərin siyahısındakı 1560 nəfəri yoxlamadan keçirib. Onlardan 107-i haqda ləkələyici məlumatlar əldə olunub, buna görə də onlar tədbirdən uzaqlaşdırılıblar. O, məhz hansı ləkələyici məlumatların nəzərdə tutulduğunu dəqiqləşdirməyib.

• Oyunlarda 57 ölkəni təmsil edən 3 mindən çox idmançı iştirak edəcək 
• Oyunların sonunda 1600 medalın verilməsi nəzərdə tutulub.Yarışları mindən çox mətbuat nümayəndəsi işıqlandıracaq. 
• 4-cü İslam Həmrəyliyi Oyunlarını 50-dən çox ölkədə 1 milyarddan çox tamaşaçının izləyəcəyi gözlənilir.
• Oyunların rəsmi talismanı olaraq iki Qarabağ çapağanı – Cəsur və İncə təsdiqlənib.