Azərbaycanın keçmiş xarici işlər naziri: “Hərbi əməliyyatların bərpası getdikcə reallaşır”

Zülfüqarov müharibə ehtimalı haqda

Oktyabrın əvvəlində Praqa sammitindən sonra Azərbaycan və Ermənistan rəhbərliyi iki ay ərzində sülh müqaviləsinin imzalanmasının planlaşdırıldığını bəyan etdi. Noyabr başa çatmaq üzrədir və elan edilmiş müddətə cəmi bir ay qalır. Azərbaycanın keçmiş xarici işlər naziri Tofiq Zülfüqarovun sözlərinə görə, hərbi əməliyyatların bərpası getdikcə daha reallaşır. “Azərbaycanla Ermənistan arasında sülh sazişinin bağlanma ehtimalı sıfır həddini keçib və sürətlə mənfiyə doğru gedir”, – deyə o bildirib.

• Ermənistan-Azərbaycan: sülh sazişi yolunda əsas maneələr
• İlham Əliyev: “Biz Qarabağda yaşayan ermənilərlə danışmağa hazırıq”
• “Siz qəzəbli və paxılsınız” – Gürcüstanın baş naziri parlamentdə müxalifətə qarşı ittihamlarla çıxış edib

Azərbaycan-Ermənistan münaqişəsi tərəflərinin sülh müqaviləsinin hazırlanması prosesini başa çatdırmaq üçün müəyyən etdiyi iki aylıq müddətin başa çatmasına cəmi bir ay qalır. Praqa sammitindən sonra bu istiqamətdə ciddi irəliləyiş qeydə alınmayıb.

Sabiq xarici işlər naziri Tofiq Zülfüqarov Bakı ilə Yerevan arasında sülh müqaviləsinin imzalanmasına pessimist yanaşır.

“Azərbaycan və Ermənistan növbəti fikir ayrılığı mərhələsinə girib”. Bakıdan şərh

Əliyevin Şuşada verdiyi bəyanat onun əvvəlki bəyanatlarının ruhunu xatırladır – Mehman Əliyev hesab edir

“Hərbi əməliyyatların bərpası getdikcə daha reallaşır”

“Tezliklə Yeni il gəlir… və Azərbaycanla Ermənistan arasında sülh sazişinin bağlanma ehtimalı sıfır həddini keçib və sürətlə mənfiyə doğru gedir, yəni hərbi əməliyyatların bərpası getdikcə daha reallaşır…”, – deyə Zülfüqarov bildirib.

O, fikirlərini Ermənistan hökumətinin müdafiə xərclərini artırmaq qərarı ilə izah edib:

“Bu nəticə Paşinyan hökumətinin 2023-cü il üçün müdafiə xərclərini 47% artırmaq və Azərbaycanın Qarabağ bölgəsində anti-konstitusion strukturların maliyyələşdirilməsini davam etdirmək, bunun üçün təxminən 360 milyon dollar ayırmaq barədə sentyabr qərarı ilə əvvəlcədən müəyyən edilib.

Bu büdcənin təsdiqindən sonra Praqa, Soçi, Vaşinqtonda və s. baş tutan bütün görüşlərin acı taleyi asanlıqla proqnozlaşdırılırdı”.

“Ondan sonra nə olacaq, onu həyat göstərər” – İlham Əliyev Ermənistanla danışıqlar haqda

“Bizi heç kim qorxuda bilməz”, — Azərbaycan prezidenti İran ordusunun sərhəd zonasında keçirdiyi hərbi tlimlərə işarə edərək bildirib

“Xarici kukla oynadanları həmişə yalnız proses maraqlandırıb”

Zülfüqarov əmindir ki, Ermənistan “sülh əvəzinə Qarabağa ərazi iddialarına görə Azərbaycanla qarşıdurmanı davam etdirməyi, daha sadə desək, müharibəni seçir”.

“Gözlənildiyi kimi, “vasitəçilər” erməni siyasi elitasının bu seçimini dəstəklədilər. Bəli, məhz elita, çünki erməni xalqı bu seçimin əleyhinə sırf “ayaqları” ilə səs verir, hara gəldi çıxıb gedərək. Qalanlar isə mitinqlərə, müharibənin davam etdirilməsinin tərəfdarlarına məhəl qoymurlar, öz yoxluqları ilə nümayiş etdirirlər ki, siyasi marjinalların şüarları onları maraqlandırmır”, – deyə sabiq nazir əlavə edib.

Azərbaycan və Ermənistan münasibətlərində kritik iki ay. Bakıdan təhlil

Tərəflər cəmi iki ay ərzində iki ölkə üçün taleyüklü məsələlərdə razılığa gələ biləcəklərmi? Razılaşma əldə edilməsə nə baş verəcək?

“Lakin pərdəarxası kukla oynadanlar Paşinyana izah ediblər ki, onun siyasi “uzunömürlülüyü” birbaşa “silahları tıqqıldatmaqla” Ermənistanı tam milli fəlakətə sürükləməkdə davam edib-etməməsindən asılıdır, yoxsa bunu onun yerinə başqası edəcək.

Əminəm ki, Paşinyan yaxşı başa düşür ki, Azərbaycanla qarşıdurmanın yeni mərhələsinin nəticəsi əvvəlcədən müəyyənləşib. Amma xarici kukla oynadanları həmişə nəticə yox, yalnız regiona təsir etməyə imkan verən proses maraqlandırıb”, – deyə o bildirib.

“Siyasi məntiq Azərbaycanı reaksiya verməyə məcbur edəcək”

Azərbaycanın keçmiş xarici işlər naziri vurğulayıb ki, “müdafiə büdcəsinin təxminən 50% artırılmasına səs verənlər aydın şəkildə bilməlidirlər ki, “müharibə müharibədir” və Azərbaycan sülh çağırışlarını siyasi leksikonundan çıxarmağa, onları 2020-ci il müharibəsindən əvvəl bizim üçün aktual olanlarla əvəzləməyə məcbur olacaq.

“Siyasi məntiq Azərbaycanı milli maraqlarımıza qarşı yönəlmiş çağırışlara adekvat və güzgü kimi cavab verməyə məcbur edəcək:

• bizim Qarabağın reinteqrasiyası siyasətimizə “burnunu soxmaq” istəyi ona gətirib çıxaracaq ki, biz Zəngəzur istiqamətində güzgü siyasəti ilə cavab vermək məcburiyyətində qalacağıq.
• vardanyanların və balasanyanların təxribatçı ritorikasını dayandırmaq üçün biz Laçın dəhlizini yalnız Ermənistandan giriş istiqamətində bağlamalı, tərksilahla bağlı ultimatum elan edildikdən sonra üç gün ərzində antiterror əməliyyatı keçirməli olacağıq.

Yuxarıda deyilənlərin hamısı tamamilə realdır və həyata keçirilə bilər”, – deyə Zülfüqarov əlavə edib.

Bizə abunə olun — Twitter | Facebook | Telegram | Instagram | Youtube