Azərbaycanın Gəncə şəhərində iki polis nəfərinin qətlində şübhəli bilinən şəxssaxlanılma zamanı öldürülüb

Gəncədə icazəsiz etiraz aksiyası zamanı polisləri qətlə yetirməkdə şübhəli bilinən Rəşad Böyükkişiyev saxlanıldığı zaman öldürülüb.

Baş prokurorluq bildirir ki, bu, iyulun 13-nə keçən gecə Böyükkişiyevin gizləndiyi Şəmkir rayonunun Moranlı kəndində baş verib.

İkinci şübhəli şəxs Samir İbrahimov saxlanılıb.

İyulun 10-da Gəncədə ondan bir həftə əvvəl şəhərin İcra Hakimiyyəti başçısı Elmar Vəliyevi yaralayan Yunis Səfərovun müdafiəsi üçün etiraz aksiyası keçirilib. Hakimiyyət hücum edəni radikal islamçı, sui-qəsdin özünü isə ölkədə hakimiyyəti ələ keçirmək məqsədi güdən terror aktı adlandırdı. Başqa bir versiyaya görə, bu, Vəliyevin özbaşınalığı və kobudluğuna görə qisas idi.

DİN-nin məlumatına görə, etiraz aksiyasina çıxan adamlar da “deşici və kəsici alətlər”lə silahlanmış radikal islamçılar olub. Aksiya sosial şəbəkələr vasitəsilə təşkil olunub. Onu dağıtmaq cəhdi zamanı polislə aksiya iştirakçıları arasında qarşıdurma yaranıb. İki polis öldürülüb.

Samir İbrahimovla birlikdə həmin aksiyanın daha 11 iştirakçısı saxlanılıb.