AZƏRBAYCANCA arrow icon
Bizi dəstəkləyin
Bizi dəstəkləyin
AZƏRBAYCANCA arrow icon
messenger vk-black email copy print
Arxiv-

Azərbaycanın birinci prezidenti hakimiyyətə qayıtmasının mümkünlüyü ilə bağlı şaiyələri təkzib edib

messenger vk-black email copy print

Azərbaycanın birinci prezidenti Ayaz Mütəllibpv Azərbaycanın baş naziri vəzifəsinə təyin ediləcəyi ilə bağlı mətbuatda dolaşan söz-söhbəti qəti şəkildə təkzib edib.

Bu şaiyələr mediada eks-prezidentin gələn il baş tutacaq prezident seçkilərində Azərbaycanın birinci ledisi, birinci vitse-prezident Mehriban Əliyevanı dəstəkləməyə hazır olması ilə bağlı gözlənilməz açıqlamasından sonra yayıldı.

Bir çox KİV, o cümlədən də hökumətyönlü media bunu Mütəllibovun Azərbaycanın baş naziri vəzifəsinə təyini üçün kampanıyanın başlanğıcı kimi dəyərləndirdi. Onların fikrincə, hazırkı baş nazir Artur Rasizadənin artıq ahıl yaşda olması və çox güman ki, seçkilərdən sonra istirahətə göndəriləcəyi bu ehtimallar üçün əsasdır. (Məlumat üçün: gələn il Rasizadənin 83 yaşı tamam olacaq və o Mütəllibovdan cəmi üç yaş böyükdür).

Bu məqalələrdə Mütəllibov “Rusiyanın adamı” kimi təqdim edilir və onun həlledici vəzifəyə təyinatı şimal qonşuya doğru əyilmə kimi qiymətləndirilir.

Ayaz Mütəllibovun özü bu şaiyələri “cəfəngiyat” adlandırıb.

“Bu yaşda kreslo üçün mübarizə aparmaq məgər mənə yaraşar? Özü də mən Rusiyanın adamı deyiləm. Bəli, mən Rusiyada sığınacaq axtarmağa məcbur olmuşdum. Amma bu o demək deyil ki, məni orda gül-çiçəklə qarşılayıblar”, – Mütəllibov Modern.az portalına bildirib.

 

Ayaz Mütəllibov çox mürəkkəb dövrdə, 1990-cı il qanlı 20 yanvar hadisələrindən sonra Azərbaycana başçılıq edib. 1991-ci ilin sentyabrında Azərbaycanın ilk prezidenti seçilib. Onun rəhbərliyi dövründə Azərbaycanın müstəqilliyi haqda deklarasiya qəbul olunması baş tutmayıb. Xocalı faciəsindən sonra o, istefaya getməli olub. 1992-ci ilin mayında hakimiyyətə gəlməyə uğursuz cəhd edib, bu cəhd müvəffəqiyyətsiz olandan sonra isə Rusiyaya gedib.

Beş il əvvəl Azərbaycana qayıdıb. Bundan az əvvəl Azərbaycan Parlamenti “Keçmiş prezident və onun ailə üzvlərinin təminatı haqda” Qanun qəbul edib. Bu qanun eks-prezidentə cinayət məsuliyyətinə qarşı immunitetlə təmin edir. Qanuna əsasən Mütəllibova həmçinin hazırkı prezidentin əməkhaqqının 50 faizi həcmində aylıq pensiya da verilir, eks-prezidentin digər xərcləri üçün isə hazırkı prezidentin əməkhaqqının 20 faizi həcmində vəsait ayrılır.


Ən Populyar

Xəbərlər

Multimedia