Azərbaycanda keçmiş müdafiə naziri saxlanılıb
Keçmiş müdafiə naziri Rəhim Qazıyev saxlanılıb. Sabiq nazirin hazırda Azərbaycan-Ermənistan sərhədində davam edən döyüşlər haqqında sosial şəbəkədə hadisələrin mahiyyəti barədə həqiqətə uyğun olmayan xəbərlər yaydığı deyilir.
Dövlət Təhlükəsizliyi Xidmətinin verdiyi məlumata görə, onun Azərbaycan Respublikasının müdafiə qabiliyyətini zəiflətməyə yönələn, insanları iğtişaşlara, dövlət hakimiyyətini zorla ələ keçirməyə açıq çağırışlar etməklə təxribat törətməsinə şübhələr müəyyən olunub.
Keçmiş müdafiə naziri Azərbaycan Respublikası Cinayət Məcəlləsinin 281-ci (Dövlət əleyhinə çağırış) və 282-ci (Təxribat) maddələri ilə şübhəli şəxs qismində saxlanılıb.
Rahim Qazıyev Azərbaycan Xalq Cəbhəsinin hakimiyyəti dövründə, 1992-93-cü illərdə ölkənin müdafiə naziri olub. Onun nazir olduğu dövr cəbhədə ağır torpaq itkilərinin olması ilə yadda qalıb.
- Su yoxdur, heç nə bitmir və tez-tez atırlar: Azərbaycan kəndindən hekayə – video
- Azərbaycanın 800 metrliyində yerləşən Ermənistan kəndindən reportaj
Keçmiş nazirin həbsi ilə bağlı sosial şəbəkələrdə qızğın müzakirələr başlayıb.
Bəzi şərhlər:
“Minlərlə insanımızı qurban verib Qarabağda…
“Çox yaxşı ediblər. Ona o vaxt ömürlük həbs vermişdilər və gərək buraxmazdılar. Səhvlərini düzəltmək vaxtıdır.Hələ bilmək olmaz. Bəlkə Rəhim düz informasiya verirdi. Qarşısını aldılar”.
“Rəhim Qaziyev heç müdafiə naziri olduğu vaxtda Azərbaycana xeyir gəlməyib, o ki qaldı indi”.
“Tutulmalı idi. Ümumiyyətlə, çoxdan tutulmalı idi o. Hələ o vaxt torpaqların itirlməsində də onun payı yüksək idi. İndi də açıq-aşkar insanları təxribata səsləyirdi”.
