Azərbaycan daha az müvəqqəti yaşamaq hüququ verməyə başlayıb

Ötən yarım il ərzində 75 nəfər Azərbaycan vətəndaşlığı, 1694 nəfər isə müvəqqəti yaşamaq hüququ alıb. Bu, 2018-ci ilin analoji dövrü ilə müqayisədə 31 faiz azdır.

• Gürcüstanlı əmək miqrantları Polşada necə yaşayır?

• Qarabağlı qaçqın xalçalar

• Müharibədən 30 il sonra azərbaycanlı qaçqınlar hələ də “müvəqqəti” olaraq yataqxanalarda məskunlaşıblar

Bu haqda Dövlət Miqrasiya Xidmətinin rəisi Vüsal Hüseynov məlumat verib.

Müvəqqəti yaşamaq hüququ alanlar sırasında ən çox Gürcüstan vətəndaşlarıdır – 347 nəfər, amma Rusiya, Türkiyə, Ukrayna və İran vətəndaşları da var. 

Azərbaycanda müvəqqəti yaşamaq hüququ (daha sonra isə vətəndaşlıq) almaq asan deyil. Ölkədə bir neçə il yaşamaq, çox sayda müxtəlif sənədlər təqdim etmək, öz arzunu inandırıcı şəkildə əsaslandırmaq, Azərbaycan dilindən imtahan vermək lazımdır.

Əlavə 86 əcnəbi qaçqın statusu almaq üçün müraciət edib. Bunlar əsasən, Liviya, Əfqanıstan, Pakistan və İran vətəndaşlarıdır. Yəni müharibə gedən və ya siyasi vəziyyətin gərgin olduğu ölkələrin vətəndaşları.

Ümumilikdə BMT Azərbaycanda iki minə yaxın əcnəbi qaçqını qeydiyyatdan keçirib.

Azərbaycanda ancaq öz ölkəsində təhlükə ilə üz-üzə qalan insanlar qaçqın statusu ala bilər – “Həyat” humanitar yardım ictimai birliyinin sədri Azər Allahverənov izah edir. Yoxsulluq, işsizlik və digər iqtisadi səbəblər keçərli deyil.