Azərbaycanın baş naziri özünü körpüdən atmaq istəyən adamı fikrindən daşındırıb

Bakıda Heydər Əliyev prospektində, “Koroğlu” metro stansiyasına yaxın ərazidə körpüdən tullanmaq istəyən şəxs Azərbaycanın baş naziri Novruz Məmmədovla telefon danışığından sonra intihar fikrindən vaz keçib.

Həmin müddətdə xilasedicilərin yolda quraşdırdığı tent üzündən böyük tıxac yaranıb və həmin ərazidən keçən avtomobillər mənzil başına çatmaqda çətinlik çəkiblər.

Nazirlər Kabinetindən məlumat veriblər ki, səhər işə gedərkən Novruz Məmmmədov yolunu dəyişdirib, hadisə yerinə gedib, özünü öldürmək istəyən şəxsə mobil telefondan zəng vuraraq, onu intihar qərarından daşındırıb.

Bu adam 49 yaşlı fəhlə Yaşar Əhmədov olub, onu körpü üzərinə ailə problemləri və övladlarının qayğısı gətirib. İntihar cəhdinin səbəbləri haqda KİV-də daha ətraflı məlumat yayılmayıb.

Körpüdən düşərkən, Əhmədov Nazirlər Kabinetinə dəvət olunub. Orada Ailə, Qadın və Uşaq problemləri üzrə Dövlət Komitəsinin onun probleminin həlli ilə məşğul olacağı vəd olunub.

Bu körpüdən tullanmaqla intihar etmək cəhdi ilk dəfə deyil ki baş verir. 2014-cü ildə dələduzluq qurbanı olub, 65 min dollarını itirən 50 yaşlı Sadiq Nəsirov da belə bir cəhd etmişdi. O vaxt onu intihar fikrindən deputat Qənirə Paşayeva vaz keçirmişdi. Düzdür, sonradan bəlli olmuşdu ki, deputat ora öz təşəbbüsü ilə gəlməyib, Nəsirov özü onunla dnışmağı təbə edib.

2015-ci ildə isə həmin bu körpüdən cavan oğlan özünü atmağa cəhd etmişdi. Onu Fövqəladə Hallar Nazirliyinin əməkdaşları yüksək vəzifəli şəxsləri cəlb etmədən xilas etmişdi.