Avropada yaşayan mühacirlər Rusiyada işləyənlərdən daha çox Gürcüstana pul köçürür

2018–ci ilin birinci yarısında Gürcüstana Avropa İttifaqından pul köçürmələri şəklində 255 milyon dollar daxil olub. Bu məbləğ Rusiyadan pul köçürmələrinin həcmindən 41 milyon çoxdur. Yanvar–iyul aylarında Rusiyadan 214 milyon dollar köçürülüb.

Bu statistik göstəricini artıq Gürcüstanda tarixi göstərici adlandırdılar, çünki birinci dəfədir ki, Avropadan köçürmələrin həcmi Rusiyadan köçürmələrin həcmindən çox olub.

Gürcüstanın “Forbs” jurnalının yazdığına görə, son 4 ay ərzində ötən illə müqayisədə Rusiyadan köçürmələrin həcmi orta hesabla ayda 0,5 milyon azalır, Avropa İttifaqından köçürmələr isə hər ay orta hesabla, 11 milyon dollar artır.

Biznes nəşrinin yazdığına görə, Rusiyadan köçürmələrin azalması 2015-ci ildən, Rusiya rublunun xeyli ucuzlaşmasından və Rusiya iqtisadiyyatının sanksiyalar səbəbindən problemlərlə üzləşməsindən sonra müşahidə olunur.  

• Avropa İttifaqı ölkələri arasında ən böyük həcmdə köçürmələr İtaliyadan (yanvar-iyun aylarında 89 milyon dollar), Yunanıstanda (81 milyon dollar), Almaniyadan (20 milyon dollar) və İspaniyadan (19 milyon dollar) həyata keçirilib.

• Ən çox gürcü mühaciri Rusiya, İtaliya və Yunanıstanda yaşayır. Onlar hər ay Gürcüstana burada qalan ailələri üçün pul köçürürlər.