Avropa İttifaqı Qarabağ cəbhəsində gərginlikdən narahatdır

Avropa İttifaqı Dağlıq Qarabağ münaqişəsinin nizamlanması üzrə ATƏT-in Minsk qrupunun fəaliyyətini dəstəkləyir
Avropa İttifaqının Azərbaycandakı nümayəndəliyinin rəhbəri, səfir Malena Mard Azərbaycan və Ermənistan qoşunlarının təmas xəttində son günlər baş verən qarşıdurmalarla bağlı jurnalistlərlə görüşdə belə söyləyib. (report.az )
O qeyd edib ki, Dağlıq Qarabağ münaqişəsində status-kvo davamlı deyil.
Səfir bildirib ki, Aİ-nin Cənubi Qafqaz üzrə xüsusi nümayəndəsi Herbert Zalber yaxın vaxtlarda Azərbaycana səfər etmək niyyətindədir və səfəri zamanı münaqişənin nizamlanması məsələsi müzakirə olunacaq
Malena Mard əlavə edib ki “Aİ və Azərbaycan strateji tərəfdaşlıq barədə danışıqların yeni raunduna hazırlaşırlar”
Onun sözlərinə görə danışıqların yeni mərhələsi yaxın vaxtlarda başlamalıdır. Danışıqların mövzusu müxtəlif sferalada əməkdaşlıq olacaq, məsələn miqrasiya, ticarət, idarəçilik və sair.