AZƏRBAYCANCA arrow icon
Bizi dəstəkləyin
Bizi dəstəkləyin
AZƏRBAYCANCA arrow icon
messenger vk-black email copy print
Arxiv-

Avropa İttifaqı daimi üzv ölkələr Komitəsi Gürcüstanla vizasız rejimi dəstəkləyib

messenger vk-black email copy print

Avropa İttifaqı daimi üzv ölkələr Komitəsi (COREPER)fevralın 22-də Gürcüstan vətəndaşları üçün Şengen zonası ölkələrinə vizasız rejimin tətbiq edilməsini dəstəkləyib. Bu haqda Azadlıq Radiosunun Brüssel müxbiri Rikard Yozvyak xəbər verib.

Aİ ölkələrinin səfirləri vizasız rejimin müvəqqəti dayandırılması mexanizmini dəstəkləyiblər. Bu mexanizm Gürcüstanla vizasız rejimin qüvvəyə minməsinin ilkin şərtidir.

Komitənin qərarından sonra daha üç prosedura qalır:

  • Bazar ertəsi fevralın 27-də nizamlamanı Aİ Xarici İşlər Nazirləri Şurası təsdiqləməlidir.
  • Bundan sonra nizamlamanı Avropa Parlamentinin prezidenti və Aİ Şurasının sədri imzalayacaqlar.
  • Sənəd rəsmi jurnalda dərc olunmalı və bundan sonra 20 gün müddətində qüvvəyə minməlidir.

Rikard Yozvyak bildirib ki, fevralın axırına qədər həmçinin Avropa Parlamentində müvəqqəti dayandırma mexanizmi səsə qoyulmalı və Aİ Şurası tərəfindən təsdiq edilməlidir.

Gürcüstan üçün vizasız rejimin martın sonu, aprelin əvvəlində qüvvəyə minməsi gözlənilir.

Fevralın 2-də Avropa Parlamenti 553 səslə Gürcüstanla vizasız rezjimin tətbiqini dəstəkləyib.

 

Rejimdən kim və necə istifadə edə biləcək:

  • Gürcüstan vətəndaşları Şenqen zonası ölkələrində ( həmçinin, Şengen zonasına daxil olmağa hazırlaşan – Rumıniya, Bolqarıstan, Kipr və Xorvatiya kimi ölkələrdə) 90-180 gün ərazində vizasız qala və bir ölkədən digərinə səyahət edə bilər.
  • 90 gündən daha çox qaldığı təqdirdə Gürcüstan vətəndaşı Şengen zonası ölkələrindən çıxarılacaq və Gürcüstana deportasiya ediləcək. Bu təqdirdə həmin vətəndaş 5 il müddətində vizasız gediş-gəliş imtiyazından məhrum olacaq.
  • Vizasız səyahət etmək üçün Gürcüstan vətəndaşından pasport, gediş –dönüş bileti, öz maliyyə vəziyyətini təsdiq edən sənəd və rezerv edilmiş otellə bağlı məlumatlar tələb olunur. Gürcüstan vətəndaşı sözügedən sənədləri konsulluqda deyil, sərhəddə təqdim edir.
  • Viza sadələşdirilməsinin iş və təhsillə bağlı uzun və qısa müddətli vizalara aidiyyatı yoxdur. Bu tip vizanın əldə edilməsi üçün konsulluğa müraciət etməlidirlər.

 Hansı halda vizasız rejim dayandırıla bilər?

  • Əgər Gürcüstan readmisiya məsələsində əməkdaşlıq etməzsə (Aİ-ə Gürcüstandan gəlmiş və deportasiya edilmiş öz və xarici vətəndaşların qəbulu).     
  • Əgər sığınacaq axtaranların sayı hiss olunacaq qədər artarsa
  • Aİ sərhədini qeyri-leqal keçənlərin sayı kəskin artarsa.  

Ən Populyar

Xəbərlər

Multimedia