Arayik Harutyunyan və tanınmamış “DQR”in digər rəhbərləri həbs ediliblər
“DQR” rəhbərlərinin həbsi
Azərbaycanda tanınmamış “Dağlıq Qarabağ Respublikası”nda rəhbər postlar tutmuş şəxslərin saxlanılması davam edir. İki gün əvvəl tanınmamış “respublikanın” keçmiş “prezidentləri” Arayik Harutyunyan, Arkadi Qukasyan, Bako Saakyan, eləcə də “parlamentin” keçmiş “sədri” David İşxanyan saxlanılaraq həbs edilib. Onların hamısı terrorizmdə, sülhə və insanlığa qarşı ağır cinayətlərdə ittiham olunurlar.
- AİHM-nın qərarına rəğmən Qubad İbadoğlu ciddi tibbi xidmətlə təmin olunmur
- Ermənistan parlamenti Roma Statutunu ratifikasiya edib. Bu, nə üçün lazım idi?
- Gürcüstanın Konstitusiya Məhkəməsində prezidentin impiçment məsələsinə baxılır
Arayik Harutyunyana qarşı azı 9 maddə ilə ittiham irəli sürülüb
Араик Арутюнян, бывший лидер непризнанной НКР, был задержан в рамках расследования, проведенного совместно Генеральной прокуратурой и Службой государственной безопасности Азербайджана.
“Azərbaycan Respublikasının Qarabağ ərazisində fəaliyyət göstərmiş qanunsuz erməni silahlı birləşmələrinin törətdikləri sülh və insanlıq əleyhinə, müharibə, terrorçuluq və digər cinayətlərin araşdırılması ilə bağlı başlanmış cinayət işləri üzrə Azərbaycan Respublikasının Baş Prokurorluğu və Dövlət Təhlükəsizliyi Xidməti tərəfindən kompleks tədbirlər həyata keçirilir”, – Dövlət Təhlükəsizlik Xidməti və Baş Prokurorluğun birgə yaydığı məlumatda deyilir.
Qeyd olunur ki, 1973-cü il təvəllüdlü, Azərbaycanın Xankəndi şəhərində anadan olmuş Arayik Harutyunyanın müharibənin aparılmasında, muzdluların yığılmasında, onlara təlim keçirilməsində və maliyyələşdirilməsində iştirakına dair əsaslı şübhələr aşkar edilib. Həmçinin o, bu silahlılardan hərbi münaqişədə və hərbi əməliyyatlarda istifadə edilməsinin təşkilində, münaqişə zamanı beynəlxalq humanitar hüquq normalarının pozulmasında, cinayətkar əmrlərin verilməsinə şübhəli bilinir.
Budan əlavə, Harutyunyan qanunsuz silahlı birləşmələrin fəaliyyətini təşkil etmək və əlaqələndirməkdə, bu qruplaşmaları silah, sursat və hərbi texnika ilə təmin etməkdə, Azərbaycan ərazisinə qaçaqmalçılıq yolu ilə silah keçirməkdə və terrora maliyyə dəstəyi verməkdə ittiham olunur.
DTX və Baş Prokurorluq həmçinin bildirir ki, Arayik Harutyunyanın terror aktlarının törədilməsi məqsədilə Azərbaycan ərazilərinin davamlı minalanması, cəbhə zonasından kənarda yerləşən Gəncə şəhəri və Bərdə rayonunda yaşayış məntəqələrinə, mülki obyektlərə raket zərbələrinin endirilməsi kimi ağır cinayətləri törətiyinə dair də əsaslı şübhələr var.
Xatırladaq ki, ikinci Qarabağ müharibəsi zamanı Gəncəyə 5 raket hücumun olmuşdu, nəticədə 27 dinc sakin həlak olmuş, 125 nəfər yaralanmışdı. Bərdəyə atılan iki raket isə 26 dinc sakinin ölümünə 105 nəfərin yaralanmasına səbəb olmuşdu.
Rəsmi məlumata görə, Harutyunyan bu il oktyabrın 3-də Xankəndi şəhərində Dövlət Təhlükəsizliyi Xidməti tərəfindən saxlanılıb və ona qarşı Azərbaycan Respublikası Cinayət Məcəlləsinin müxtəlif maddələri, o cümlədən 100-cü (təcavüzkar müharibə planlaşdırma və həyata keçirmə), 116 (silahlı münaqişələr zamanı beynəlxalq humanitar hüququn pozulması), 117 (silahlı münaqişələr zamanı qanunsuz əmrlər vermə), 120 (qəsdən adam öldürmə), 214 (terrorçuluq), 214-1 (terrorçuluğu maliyyələşdirmə), 214-3 (terrorçuluq məqsədilə təlimlərin keçirilməsi), 218 (cinayətkar birlik təşkil etmə), 279 (qanunsuz silahlı birləşmələrin yaradılması) və s. maddələri ilə ittiham irəli sürülüb.
Məhkəmənin qərarı ilə Harutyunyan barəsində istintaq müddətinə həbs qətimkan tədbiri seçilib.
Yuxarıda göstərilən ittihamlarla Arayik Harutyunyanı ömürlük həbs cəzası gözlyir.
Dövlət Təhlükəsizlik Xidməti Arayik Harutyunyanın saxlanmasının təfərrüatlarının əks olunduğu videomaterial yayıb.
Arayik Hrutyunyan 2020-ci il may ayının 21-dən tanınmamış “Dağlıq Qarabağ Respublikasının prezidenti” kimi fəaliyyət göstərib. 31 avqust 2023-cü ildə postundan istefa verib. Onun yerinə Salmvel Şahmaryan “seçilib”.
Daha iki keçmiş “prezident” və bir “spiker” saxlanılıb
DTX və Baş Prokurorluğun yaydığı növbəti birgə məlumatda isə deyilir ki, vaxtilə tanınmamış “hökumətdə” təmsil olunan daha üç nəfər – Bako Saakyan, Arkadi Qukasyan və David İşxanyan barəsində də həbs-qətimkan tədbiri seçilib.
Qarabağdakı separatçıların keçmiş “prezident”ləri Arkadi Qukasyan (1997-2007) və Bako Saakyan (2007-2020), “Daşnakasutyun” partiyasının “Qarabağ təmsilçisi” və separatçı rejimin keçmiş parlament sədri David İşxanyan barəsində həbs qətimkan tədbirinin seçilməsi ilə bağlı Dövlət Təhlükəsizliyi Xidmətinin müstəntiqinin vəsatəti əsasında prokurorun təqdimatına baxılıb.
Məhkəmənin qərarı ilə onların hər üçü barəsində 4 aylıq həbs qətimkan tədbiri seçilib.
“300 separatçı haqqında axtarış elan olunub”
Sentyabrın 27-də tanınmamış “DQR”in keçmiş “dövlət naziri” 55 yaşlı Ruben Vvardanyan saxlanılıb və həbs edilib.
Sentyabrın 29-da isə 2015-2018-ci illərdə tanınmamış “DQR”in “müdafiə naziri” və digər rəhbər vəzifələrdə çalışmış Leva Mnatsakanyan, 2013-2023-cü illərdə “prezident köməkçisi” olmuş David Babayan, eləcə də Qarabağdakı erməni silahlı qüvvələri komandirinin keçmiş müavini David Manukyan saxlanılıblar.
Onların hamısı terrorizmdə, sülhə və insanlığa qarşı ağır cinayətlərdə ittiham olunur.
Bu günlərdə Azərbaycanın baş prokuroru Kamran Əliyev bildirib ki, “Qarabağda cinayət törətmiş 300-dən çox erməni separatçısı beynəlxalq axtarışa verilib”.
“Birincisi, Birinci Qarabağ müharibəsi zamanı baş vermiş cinayətlərdir. İkincisi, atəşkəs zamanı baş verən cinayətlərdir. Üçüncüsü, Vətən müharibəsi zamanı baş vermiş cinayətlərdir. Dördüncü qrupa isə Vətən müharibəsi bitəndən sonra baş vermiş cinayətlər daxildir”, – deyə o bildirib.
“Qarabağ münaqişəsi başlayandan erməni separatçıları tərəfindən törədilən cinayətlərin hamısı qeydə alınıb. Tərəfimizdən həmin cinayətlərlə bağlı sübutlar toplanıb. Ümumilikdə belə 300 cinayət işi açılıb. 300-dən çox cinayət törətmiş şəxs beynəlxalq axtarışa verilib. Həmin işlərlə bağlı sübutlar var”, – deyə o bildirib.
