Aksiyaya görə cəza: azərbaycanlı feministin sosial şəbəkədəki səhifəsi oğurlanıb
2021-ci il 8 martda Bakıda feministlərin keçirdiyi aksiyadan sonra təşkilatçılardan biri – Nərmin Şahmarzadənin sosial şəbəkədəki səhifəsi oğurlanıb. Onun sözlərinə görə, polis bölməsində olduqdan sonra o, səhifəsinə nəzarətini itirib.
- Azərbaycan parlamentinin deputatı əxlaqsız qadınla görüşü haqda danışıb
- UNICEF-in Ermənistan bürosunun rəhbəri casusdur? Ölkədə yeni qalmaqal
“Facebook hesabım ələ keçirilib. Facebook-a mənim adımdan bağlanması üçün müraciət olunub. Şəxsiyyət vəsiqəm göndərilib. Bunu isə kimlər edə bilər, məlumdur. 23:00-dan sonra paylaşılan, sizə göndərilən nə isə olsa, mənə aid deyil”, – Şahmarzadə İnstagram səhifəsində yazıb.
Səhifəsi ələ keçiriləndən sonra profilin adı dəyişdirilib, onun şəxsi şəkilləri, səsli mesajları və feminist qızın adından saxta mesajlar yayılıb.
Digər aksiya təşkilatçısı Gülnara Mehdiyeva və fəal Bəxtiyar Hacıyev sosial şəbəkələrdəki səhifələrində yayılan yazışmaların həqiqətə uyğun olmadığı haqda xəbərdarlıqla çıxış ediblər.
“Yazışma saxtadır… Seçki saxtalaşdıranlar saxta yazışma düzəldib, yazıblar. Mən yazmadığım, etmədiyim şeyləri yazıblar. Belə yazışmadan İlham Əliyevlə ailə üzvlərindən istənilən biri arasında yüzünü düzəldərəm”, – keçmiş deputatlığa namizəd, müxalifətçi Hacıyev yazıb.
Nərmin Şahmarzadənin aksiyadan bir ay əvvəl JAMnews-a müsahibəsi
Nərmin Şahmarzadənin ələ keçirilmiş səhifələrində həqiqi postların altında 200-dən çox şərh yazılıb. Şəbəkə istifadəçilərinin əksəriyyəti bu addımı mənəviyyatsızlıq adlandırıb. Amma Şahmarzadə haqda “onun postunun” altında mənfi fikirlərini paylaşanlar da olub:
“Xaker qardaş, Allah uşaqlarına can sağlığı versin, neçə vaxtdır onun postlarına şərh yaza bilmirəm, Allah sənə can sağlığı versin”, – feministlərin kəskin əleyhdarlarından biri yazıb.
Bəzi KİV Şahmarzadə adından yayılan paylaşımlara düzəliş ediləndən əvvəl və sonra onların skrinlərini edə biliblər.
Türkiyədə yaşayan azərbaycanlı jurnalist Arzu Qeybulla feminist qıza və onun dostlarına təmənnasız dəstəyini təklif edib. Öz əlaqələri sayəsində o, Facebook-da Nərmin Şahmarzadənin səhifəsi oğurlanandan 22 saat sonra onun bağlanmasına nail olub.
