Ağ Evin mətbuat katibi “erməni soyqırımı” terminindən istifadə edib

Ağ Evin mətbuat katibi Keyli Makinani iyulun 6-da brifinqdə “erməni soyqırımı” ifadəsindən istifadə edib. Bu bəyanat xarici mətbuatda səs-küy yaradıb. Məsələ burasındadır ki, uzun illərdir Amerika administrasiyasının nümayəndələri 20-ci əsrin əvvəllərində Osmanlı inperiyasında yaşanan ermənilərin kütləvi qətli və deportasiyası haqda danışarkən “soyqırım” terminindən istifadə etməməyə çalışır. Bunun əvəzində bir qayda olaraq “Mets yeqeren” (ermənicədən tərcümədə “böyük qırğın”) kimi digər ifadələr seçilib.

Erməni soyqırımı – 1915-ci ildə Osmanlı Türkiyəsində kütləvi qırğın. Buna qədər Osmanlı imperiyasının ərazisində iki milyon yarıma yaxın erməni yaşayıb. Qətllər və kütləvi deportasiya nəticəsində onların yarıdan çoxu ölüb. Ermənistan, bir neçə qərb ölkəsi və təşkilatı bu hadisəni soyqırım kimi tanıyıb. Türkiyə isə bunu qəti şəkildə rədd edir.

Bir çox qərb mediası artıq sözügedən bəyanata reaksiya verib və qeyd ediblər ki, bu addım “ABŞ-ın rəsmi mövqeyinə ziddir” və prezident Donald Trampı Türkiyə ilə münasibətlərdə pis vəziyyətə qoya bilər.

● ABŞ, qiyam: niyə generallar və keçmiş prezidentlər Trampa qarşıdır?

● Ermənistan, Yunanıstan və Kipr BMT Baş Assambleyasının sədrliyinə türkiyəli diplomatın namizədliyinin əleyhinədir