Abxaziyanın suverenliyinə qarşı yönələn əməllər, o cümlədən də bu haqda danışıqlar 15 il həbslə cəzalanacaq
Abxaziyanın suverenliyinə qarşı yönələn əməllər cinayət hesab olunmalı və 10 ildən 15 ilə qədər həbslə cəzalandırılmalıdır – cinayət məcəlləsinə edilən belə düzəlişlər Abxaziya Parlamentində ilk oxunuşda qəbul edilib.
Bu əməl cəzanın nəzərdə tutulduğu qanun maddələrində belə formalaşdırılıb: “bütün Abxaziya ərazisinin xarici dövlətə təhvil verilməsi və ya Abxaziyanın bir hissəsinin ondan qoparılması”.
B
undan başqa, Abxaziya Respublikasının dövlətçiliyi və müstəilliyinə zidd olaraq xarici dövlət, xarici təşkilat və ya onların nümayəndələri ilə respublikanın suverenliyinin məhdudlaşdırılması ilə bağlı istənilən səviyyədə aparılan danışıqlar da cinayət məsuliyyəti doğuracaq.
Bu cür əməllərə görə üç ilə qədər müəyyən vəzifələri tutmaq və ya müəyyən fəaliyyətlə məşğul olmaq məhdudiyyəti ilə beş ildən on ilə qədər azadlıqdan məhrumetmə cəzası nəzərdə tutulur.
B
aşqa bir bənd Abxaziya Respublikasının dövlət və ya hərbi sirrini təşkil edən məlumatların xarici dövlətə, xarici təşkilata və ya onların nümayəndələrinə ötürmək məqsədilə toplamaq, oğurlamaq və ya saxlamağa aiddir. Cinayətin bu növü 10 ildən 15 ilə qədər azadlıqdan mhrumetmə ilə cəzalandırılır.
Cinayət Məcəlləsinə edilən bu düzəlişlər çox güman ki, 2018-ci ilin payızında qəti qəbul ediləcək.
“Bu zamana qədər qanunvericilik yalnız Abxaziyanın suverenliyinə yenidən baxılmasının mümkünsüzlüyünə zəmanət verirdi, hətta ümumxalq referendumu yolu ilə. Belə bir sualı referenduma çıxarmağı və abxaz dilinin statusuna yenidən baxılmasını qadağan edən xüsusi konstitusiya qanunu var. İndi isə bu cür cəhdlərə görə cinayət məsuliyyəti nəzərdə tutulacaq”, – JAMnews-a konstitusiya hüququ üzrə hüquqşünas Tamaz Ketsba bildirib.
