Abxaziyada parlament seçkiləri günüdür: namizədliyini 129 kişi və 8 qadın irəli sürüb

фото: Ибрагим Чкадуа

В

Bazar günü, martın 12-də Abxaziyada parlament seçkiləri keçirilir.

Namizədlər

[yes_list]

• 113 deputatlığa namizəd seçicilərin təşəbbüs qrupları,

• 24 siyasi partiyalar tərəfindən irəli sürülüb.

[/yes_list]

Namizədlərini irəli sürmək hüququnu 8 partiya alıb, amma bu hüquqdan cəmi 4 partiya istifadə edib:

[yes_list]

• “Aynar” partiyası 8;

• “Amtsxara” 7;

• “Abxaziyanın xalq birliyi forumu” 6;

• “Ədalət və inkişaf naminə Abxaziyanın Xalq Cəbhəsi” 3 namizədini irəli sürüb.

[/yes_list]

Namizədlər arasında:

[yes_list]

• Bir keçmiş prezident Aleksandr Ankvab,

• İki keçmiş baş nazir Sergey Şamba və Leonid Lakerbaya,

• Bir neçə keçmiş nazir: keçmiş xarici işlər naziri Vyaçeslav Çirikba; keçmiş daxili işlər naziri Raul Lolua; keçmiş dövlət təhlükəsizliyi xidmətinin rəhbəri, hazırda birləşmiş müxalifətin lideri Aslan Bjaniya; iki keçmiş mədəniyyət naziri – Nuqzar Loqua və Badra Qunba; keçmiş maliyyə naziri Beslan Kubrava.

• Hələ fəaliyyətdə olan çağırışın 31 parlament deputatı,

• Bir neçə şəhər və rayon administrasiyalarının rəhbərləri, o cümlədən Suxumun keçmiş meri Alyas Labaxua və Qaqra rayonunun keçmiş başçısı Astamur Ketsba.

[/yes_list]

Altıncı çağırışda parlamentə 8 qadın və 129 kişi namizədliyini irəli sürür.

Deputat mandatına namizədlərin mili tərkibi:

[yes_list]

• 129 abxaz,
• 8 erməni
• 1 rus.

[/yes_list]

Ən gənc namizədin (Səid Acibanın) 26, ən yaşlının (Valeri Kvarçiyanın) 71 yaşı var.

Maliyyə

Parlament seçkilərinin keçirilməsinə büdcədən təxminən 15 milyon rubl [təxminən $254,000] ayrılıb.

Seçkiqabağı dövrün problemləri

Abxaziya Mərkəzi Seçki Komissiyasının sədri Tamaz Qoqiya jurnalistlərə bildirib ki, seçkiqabağı dövrdə “namizədlərin bir-birinə çox sayda iradları olub, amma az sayda rəsmi şikayət daxil olub”.

“Bir çox halda şikayətlər şifahi şəkildə daxil olur. Çoxları rəsmi, yazılı şikayətlər vermək istəmir, şayiələrə isə reaksiya verə bilmərik. Rəsmi olaraq, 6 şikayət daxil olub, amma 4-dən sonradan imtina ediblər”, – Qoqiya deyib.

Seçkiqabağı dövrün əsas problemi isə Tamaz Qoqiya seçicilərin siyahılarını hesab edir. Qanuna görə, seçici siyahıları bütün seçki məntəqələrində səsvermədən 10 gün əvvəl asılır. “Elə hallar olur ki, çoxları səsvermə zamanı asılan əlavə siyahıları anlamır və onlarla razı deyillər. Vəziyyət hər gün dəyişir: kimsə ölüb, kiminsə seçki ərəfəsində 18 yaşı tamam olur və sairə”, – Qoqiya deyir.