Abxaziyada deputatlığa namizədin avtomobili yanıb

Suxumda deputatlığa namizəd Batal Aybanın maşını yanıb.

Hadisə martın 16-ı, cümə axşamı baş verib. Avtomobil deputatlığa namizədin seçki qərargahının yanında, Darsaliya və Dzidzariya küçələrinin tinində saxlanılıb.   

Prokurorluq iki əsas versiayanı nəzərdən keçirir – yandırılma və öz-özünə yanma.

Prokuror Ruslan Tırkbanın sözlərinə görə, “yanğın mühərrikdə baş verib, hadisə yerinə baxış keçirilib, bütün zəruri izlər götürülüb ki, bunlar da nəticədə maşının öz-özünə yanması, ya da yandırılması nəticəsinə gəlməyə birmənalı şəkildə imkan yaradacaq”.

Batal Aybanın müvəkkili bloger Axra Smır Facebook-da adamlardan düşünülməmiş nəticələrdən uzaq durmalarını xahiş edib.  

• Batal Ayba ötən bazar səsvermə nəticəsində 4 nömrəli Suxum seçki dairəsi üzrə parlament seçkilərinin ikinci mərhələsinə keçib. Bu dairədə onun rəqibi Erik Rştunidir.

Məqalədə bildirilən fikirlər müəllifin nöqteyi-nəzərini əks etdirir və redaksiyanın mövqeyi ilə üst-üstə düşməyə bilər