Abxaziyada ata öz azyaşlı qızını zorlayıb, öldürdüyünə görə məhkum edilib, cəmiyyətdə isə sübutların yetərsiz olduğu haqda danışırlar

Abxaziyada böyük səs-küyə səbəb olmuş cinayət işi üzrə dörd ilə yaxın davam edən məhkəmə prosesi sona çatıb. Qumista şəhərində doqquz yaşlı, dördüncü sinif şagirdi Verjine Surmenelyan zorlanaraq öldürülüb. Prokurorluq ən başdan cinayətdə qızın atasını – Ambartsum (Robik) Keşişyanı günahlandırıb.

O, günahını qətiyyətlə rədd edib və edir. Bununla belə iyulun 3-də məhkəmə prokurorluğun ittihamını təsdiqləyib və Ambartsum Keşişyan haqqında 20 il azadlıqdan məhrumetmə hökmü çıxarıb. Onunla əlbir olduğu deyilən Mixail Buryak isə 19 il müddətinə azadlıqdan məhrum edilib.

Hökm oxunub, amma cəmiyyət hələ də baş verənlərlə bağlı versiyalarla, müzakirələrlə qaynayır. Çoxları ədalətsizlik olduğunu, hətta istintaqda korrupsiyanın yer aldığını deyir.

Baş verənlər  haqda versiyalar üzrə JAMnews-un icmalı.

Tarix

Cinayət 2013-cü il dekabrın 2-də baş verib. Məhkəmənin yekun versiyası belə səslənir: Ambartsum Keşişyan fiziki zorakılıq təhdidi ilə Mixail Buryakı öz (Keşişyanın) qızını oğurlayıb, zorlamağa məcbur edib, daha sonra özü onu zorlayıb və öz əllərilə boğazını kəsərək öldürüb.

Məhkəmə həmçinin Ambartsum Keşişyanın daha əvvəl də dəfələrlə qızını zorladığını gizlətməyə çalışdığını da sübuta yetirilmiş hesab edib.

Uyğunsuzluqlar

İstintaqın gedişatını diqqətlə izləyən bir çox jurnalistlər qaranlıq qalan suallarla bağlı uzun siyahı tərtib edib və hələ də bu sualların cavabını tələb edirlər.

Əsasən söhbət aşağıdakılardan gedir:

1.Dövlət ittihamçısının versiyasına görə təcavüz və qətl faktları poliqrafik ekspertiza nəticəsində təsdiqlənib. Amma ekspertiza hadisədən iki il keçəndən sonra keçirilib və bütünlükdə daha əvvəl yaşlı qadınları zorladığına görə məhkum olunmuş Mixail Buryakın ifadələrinə əsaslanıb. Təcavüzün birini o, məzarlıqda həyata keçirib.

2.Keşişyanın vəkili İqor Sknarin bildirir ki, müvəkkilinin alibisi var – cinayətin törədildizi vaxt Ambartsum Keşişyan evdə, arvadı Janna Surmenelyanla və iki digər övladı ilə birlikdə olub. Bunu bir neçə şahid təsdiqləyib.

Amma məhkəmə Buryakın ifadəsinə istinad edərək bu məlumatı alibi kimi qəbul etməyib. Üstəlik bu ifadələr ziddiyyətlidir və o, öz ifadəsini üç dəfə dəyişib. Məhkəmədə Buryak danışıb ki, qətl günü Keşişyan ona gizli nömrədən zəng vurub. Amma vəkil bildirib ki, həm Keşişyanın, həm də Buryakın telefon zənglərinin tarixçəsini araşdırdıqları zaman belə bir zəngin olması təsdiqlənməyib.

3.İttihamın təqdim etdiyi faktlardan birində deyilir ki, qətlindən üç gün əvvəl qız atası ilə cinsi əlaqədə olub. Yeganə sübut yenə də Buryakın ifadəsidir. Amma şahidlərin ifadəsinə görə, həmin gecə uşağın temperaturu yüksəlibmiş. Ona dərman veriblər və səhəri gün o, sağ-salamat həyətdə velosiped sürürmüş. Anası deyir ki, o, həmişə Verjineni özü çimdirib və onun bədənində heç bir iz görməyib. Vəkilin sözlərinə görə, bütün bu hekayə uydurmadır.

Sosial şəbəkədəki şərhlər

“Hesab edirəm ki, əsl təcavüzçü azadlıqdadır və o, kiminsə oğlu və ya yaxın qohumudur. Atası və Buryakı isə oyunun içinə salıblar”.

“O ağıldankəm Buryakın ifadələrinə necə istinad etmək olar? Onun psixikası ilə bağlı böyük problemləri var, ruhi xəstə qoca qadını məzarlıqda zorlayıb, bunlar da bu adamın ifadələri ilə atanın taleyini həll ediblər”.

“Qızını bir neçə dəfə zorlayıb, o isə susub – birdən nənə gəlməyə hazırlaşır, birdən nənəsinə danışar, onu öldürmək lazımdır. Məhkəmə nə dediyinin fərqindədir, görəsən?”

“Problem ondadır ki, bizdə hələ də özümüzün ekspertiza sistemimiz yoxdur”.

Nəşrolunanmateriallardakıterminlər, toponimlər, fikirlərvəideyalarJAMnews-un vəyaayrı-ayrıəməkdaşlarınınfikirvəideyalarıiləüst-üstədüşməyəbilər. JAMnews dərcolunanmateriallarınaltındayazılanvətəhqir, təhdid, zorakılığaçağırışvəyabaşqasəbəblərdənetniknarazılıqdoğurankimidəyərləndirilənşərhlərisilməkhaqqınıözüzərindəsaxlayır