Abxaziya hakimiyyəti daha Gürcüstan vətəndaşı Qiqa Otxozoriyanın qatilini təqib etmir
Suxumi Gürcüstan vətəndaşı Qiqa Otxozoriyanın qətlinə görə qiyabi şəkildə 14 il müddətinə həbs cəzası almış Raşid Kanci-oğluna qarşı cinayət təqibini dayandırıb.
Bu, Qalidə (Abxaziya tərəfinin nəzarəti altında olan şəhərdə) İnsidentlərin Qarşısının Alınmasi və Onlara Reaksiya Verilməsi Mexanizmləri çərçivəsində keçirilən növbəti görüş zamanı məlum olub.
Qiqa Otzoxoriya 19 may 2016-cı il tarixində Zuqdidi rayonunun Xurça kəndində, Abxaziya ilə inzibati sərhəd yaxınlığında güllələnib.
Otzoxoriyanın qətlini xarici müşahidə kameraları çəkib. Orada görünür ki, Abxaziyanın sərhəd xidmətinin nümayəndəsi Raşid Kancı-oğlu və Otzoxoriya arasında Zuqdidi sakini qonşu Qali rayonuna ərzaq göndərmək istəyərkən mübahisə yaranıb. Bundan sonra Kancı-oğlu nəzarət-buraxılış məntəqəsini tərk edib, Gürcüstan hakimiyyətinin nəzarəti altında olan kənd tərəfə keçib və silahsız Otzoxoriyaya bir neçə dəfə atəş açıb.
Gürcüstan hakimiyyəti dəfələrlə Kancı-oğlunun Gürcüstan məhkəməsinə verilməsi ilə bağlı məsələ qaldırıb. O, dövlətdaxili axtarışa verilib, 2017-ci ilin mart ayından isə İnterpolun axtarışda olan şəxslər siyahısına daxil edilib. Suxumidə isə bildirirdilər ki, Kancı-oğlu tutduğu vəzifədən azad edilib və ev dustaqlığındadır.
Qalidə keçirilən görüş zamanı isə məlum olub ki, Kancı-oğlu ümumiyyətlə cinayət məsuliyyətindən azad edilib.
Gürcüstanın Dövlət Təhlükəsizliyi Xidmətinin İnformasiya-Analitika Departamentinin rəis müavini Kaxaber Kemoklidze görüş bitəndən sonra jurnalistlərə bildirib ki, Abxaziya hakimiyyətinin qərarı “çox təhlükəli və birmənalı şəkildə tsinik”dir.
“Gürcüstanın Dövlət Təhlükəsizliyi Xidməti və bütün mərkəzi hakimiyyət aparatı Kancı-oğlunun saxlanması və onun Gürcüstan məhkəməsinə təhvil verilməsi istiqamətində bütün səylərini davam etdirəcək”, – deyə Kemoklidze bildirib.
Qalidə görüş
Qalidəki görüş zamanı müzakirə olunan məsələlərdən biri də Rusiya hərbçiləri tərəfindən Xurça kəndi yaxınlığında çəpərləmə tikililərinin quraşdırılması oldu. Bu kənd ayrılma xəttində, Gürcüstan hakimiyyətinin nəzarəti altında olan tərəfdə yerləşir.
“Rusiyanın işğalçı qüvvələri zor gücünə yerli əhalinin becərdiyi iki hektar torpağı ələ keçirib. Hökumətimiz bütün beynəlxalq arenalarda bu məsələni qaldıracaq”, – Kemoklidze jurnalistlərə bildirib.
Qalidə həm də Abxaziya tərəfinin İnquri çayı üzərindən buraxılış məntəqələrinin bağlaması haqda danışıblar.
“Borderizasiya” prosesi yerli sakinlərin təhlükəsizliyinə təhdid yaradır, onların fundamental hüquq və azadlıqlarını məhdudlaşdırır. Bu, artıq özünün birinci neqativ nəticəsini verib. Bu ay çayı üzüb keçmək cəhdi zamanı Qal rayonunun samkini həlak olub. Həm də biz Gürcüstan vətəndaşlarının Abxaziyaya getmək istəyərkən kütləvi şəkildə saxlanmasına qayıdırıq. Onların hamısı Qalidəki istintaq təcridxanasına yerləşdirilib”, – Kemoklidze deyir.
2016-cı il, dekabrın axırlarında Abxaziya hakimiyyəti Qal rayonunun Zuqdidi ilə inzibati sərhədində “Nabakevi” və “Otobaya” buraxılış məntəqələrini bağlamaq haqqında qərar verib. Bu zaman elan edilib ki, Saberio qəsəbəsi rayonunda buraxılış məntəqəsi, həm də sırf İnquri SES-ə xidmət üçün istifadə olunan məntəqə işini davam etdirəcək.
İnsidentlərin Qarşısının Alınmasi və Onlara Reaksiya Verilməsi Mexanizmləri çərçivəsində görüşlərdə adəti üzrə Gürcüstan, Abxaziya, Cənubi Osetiya, Rusiya tərəfləri, həm də Avropa İttifaqı və ATƏT-in monitorinq üzrə missiyaları iştirak edir. İnsidentlərin qarşısının alınmasının birgə mexanizmlərinin işlənib hazırlanması haqqında təkliflərlə bağlı konsensus Cenevrə danışıqlarının birinci raundunda 17-18 fevral 2009-cu il tarixlərində əldə edilib.
