ABŞ və müttəfiqlər Suriyaya raket zərbəsi endiriblər

Aprelin 13-dən 14-nə keçən gecə ABŞ, Böyük Britaniya və Fransa Suriyada bir neçə hədəfə raket zərbəsi endiriblər, CNN xəbər verir.

Birləşmiş Ştatların başçılığı altında koalisiya aprelin 7-də Suriyanın Duma şəhərində kimyəvi silahın istifadə olunması ehtimal olunandan sonra bir neçə hədəfə zərbə endirmək haqqında qərar qəbul etdi. ABŞ kimyəvi hücuma görə məsuliyyəti Bəşər Əsəd qoşunlarının üzərinə atdı.

ABŞ prezidenti Donald Tramp Rusiyanı Əsəd rejimini dəstəkləməkdə ittiham etdi: “2013-cü ildə Rusiya prezidenti Vladimir Putin və onun hökuməti dünya ictimaiyyətinə söz verdilər ki, Suriyanın kimyəvi silahının məhvinə zəmanət verirlər, – deyə o, sözünə davam etdi. – Əsədin bu yaxınlardakı hücumu və bu günkü cavab zərbələri Rusiya tərəfindən bu vədlərin yerinə yetirilməməsinin birbaşa nəticəsidir. Rusiya qərar verməlidir, bundan sonra da bu şübhəli və yanlış yolla gedəcək yoxsa stabillik və sülh gücü kimi sivil ölkələrə qoşulacaq”.

Suriya böhranı: dünya çözümü gözləyir

Rusiyanın Müdafiə Nazirliyi bildirib ki, koalisiya Suriya üzərinə yüzdən çox raket buraxıb. ABŞ müdafiə naziri Con Mettis həm də bildirib ki, bu günkü zərbə ötən ilkindən iki dəfə güclüdür, on da Amerika Suriyaya 59 raket buraxmışdı.

Birləşmiş Ştatlar və müttəfiqlərin zərbələrinin dəf edilməsində Rusiya hava hücumundan müdafiə qüvvələrindən (HHMQ) istifadə olunmayıb, Rusiya Müdafiə Nazirliyində bildiriblər.

Suriya hökuməti bildirib ki, cəmi 110 raket buraxılıb, onların əksəriyyəti də Suriya HHM qüvvələri tərəfindən ələ keçirilib.

ABŞ Birləşmiş qərargahlar rəisləri komitəsinin sədri Cozef Danford bildirib ki, zərbələr üç hədəfə endirilib – kimyəvi silahın işlənib hazırlandığı tədqiqat mərkəzinə, kimyəvi preparat və kimyəvi silah anbarlarına.

Danford vurğulayıb ki, bu hücum birdəfəlik aksiyadır, məqsədi də Bəşər Əsədə izah etməkdir ki, Suriyada hər kimyəvi silahın istifadəsinə görə məsuliyyəti o daşıyacaq.