22 yaşlı Cənubi Osetiya sakini mina partlaması nəticəsində həlak olub

Cənubi Osetiyanın Znaur rayonunun Dzaqina kəndinin 22 yaşlı sakini piyada əleyhinə minanın partlaması nəticəsində həlak olub.

Cənubi Osetiya Fövqəladə Hallar Nazirliyinin məlumatına görə, hadisə bazar ertəsi saat 14.00 radələrində baş verib. Auneu kəndi yaxınlığında heyvan otaran Axsar Qusalov üzərinə basıldığı zaman işə düşən piyada əleyhinə minanın partlaması nəticəsində yerindəcə həyatını itirib.

FHN Yanğından mühafizə və mülki müdafiə şöbəsinin rəisi polkovnik Boris Kulumbeqovun sözlərinə görə, “mina 2008-ci ilə qədər kəndə nəzarət edən Gürcüstan silahlı qüvvələri tərəfindən qoyulub”.

2016-cı ildə Cənubi Osetiyada ərazilərin minadan təmizləməsi ilə Rusiya mütəxəssisləri məşğul olub və iki ay müddətində 50 hektardan artıq ərazini zərərsizləşdirib. Daha əvvəl Sxinvaldan şimala doğru ərazilərin minalardan təmizlənməsini Cənubi Osetiya hərbçiləri həyata keçirib. Bununla belə Cənubi Osetiyada hələ də minadan təmizlənməmiş ərazilər qalır.

Məqalədə ifadə olunan fikirlər müəllifin terminologiyasını və nöqteyi-nəzərini əks elətdirir, redaksiyanın mövqelilə üst-üstə düşməyə bilər.