2015-ci il ən yaxşı Ermənistan idmançısı
Çempion olmaq üçün doğulan idmançılar var. Onlar öz təbiətlərinə, idman xarakterinə, məğlub olmamaq və başqalarına dəstək olmaq, ilhamlandırmaq bacarığına görə qalibdirlər. Artur Aleksanyanı bu cür xarakterizə etmək olar. O, yunan-roma üslubunda güləşlə məşğul olur, üç qat Avropa çempionudur və Olimpiya oyunlarının tunc medal sahibidir.
İkinci ildir ki, Aleksanyan özünün çəki kateqoriyasında dünyanın ən yaxşısı sayılır. Bu il o Ermənistan üçün qızıl medal qazana bilən yeganə idmançıydı. Əlbəttə ki, 2015-ci ildə onun rəqibi yoxuydu, onu ikinci dəfə də Ermənistanın ən yaxşı idmançısı seçdilər.
![](http://jam-news.net/app/uploads/2015/12/artur-aleksanyan5.jpg)
Artur həmişə öz uğur və nailiyyətlərinə çox təmkinlə yanaşır, az danışır: “Bizim ölkəmiz idman ölkəsidir, bizdə çoxlu istedadlı idmançılar var. Onlardan birinci sayılmaq mənim üçün böyük şərəfdir.
O əmindir ki, yüksəklikdə qalmağın yeganə üsulu dayanmadan məşqlər etməkdir. Güləşçi onun üçün çox məsuliyyətli olan 2016-cı ilə hazırlaşır. Aleksanyan ikinci dəfə Olimpiya oyunlarında iştirak edəcək və bu dəfə o özünün ən ülvi arzusunu həyata keçirmək niyyətindədir. İdmançı etiraf edir ki, heç də rəqiblərini zəif saymır, amma qızıl medal uğrunda mübarizədə özünün əsas rəqibi iranlı Qasem Rezaini sayır.
“Çempionatda mən fiziki və funksional cəhətdən daha güclü olduğumu anladım. Bu o deməkdir ki, mən və məşqçi tərkibi düz yoldadır. Mənim növbəti məqsədim Olimpiya oyunlarından qızıl gətirməkdir, – Aleksanyan deyir.
![](http://jam-news.net/app/uploads/2015/12/artur-aleksanyan-1.jpg)
Uşaqlıqdan o yunan-roma güləşi ilə məşğul olan atası və əmisinin məşqlərini izləyib. Onda o həmin idman növünü seçdi və uğur qazanmağı arzuladı. 8 yaşında o özünün ilk addımlarını indi də məşqini davam etdirdiyi Qümridəki yunan-roma güləşi üzrə idman məktəbində etdi.
“Düşünürəm ki, mən zəhmətsevərlik və iradəli xarakterim sayəsində qalib gələ bilirəm. Həm də mənim məşqçim olan atam mənə çox kömək edir, biz səhvləri birlikdə düzəldirik. Hər turnirdən sonra mən qələbələr və məğlubiyyətləri unudaraq, qarşıma yeni məqsədlər qoyaraq, növbəti yarışlara hazırlaşmağa başlayıram, – Aleksanyan etiraf edir.
![](http://jam-news.net/Uploads/Publication/423/ContentImages/az-Latn-AZ/artur(facebook).jpg)
Güləşçi qeyd edir ki, uşaqlıqdan idman həyatına öyrəşib, rejimlə yaşamağı sevir və özünü başqa cür təsəvvür etmir. “Qələbələrim ölkəmə məxsusdur, mən çox qürurluyam ki, mənim sayəmdə insanlar Ermənistanı tanıyıblar. Bu, həmişə mənə güc verir və uğur qazanmağa kömək edir, – o qeyd edir.
![](http://jam-news.net/Uploads/Publication/423/ContentImages/az-Latn-AZ/artur3(facebook).jpg)
Bir qədər utancaq, sakit – Artur Aleksanyan özünü bu cür xarakterizə edir. Bununla yanaşı onun böyük gücü və qələbəyə meyli var.
98 kiloya qədər çəki kateqoriyasında Aleksanyan ən yaxşısıdır, bu heç müzakirə olunmamalıdır. O, beynəlxalq federasiyanın reytinq cədvəlinin başında durur və son iki il ərzində bir dəfə də olsun məğlub olmayıb.
![](http://jam-news.net/Uploads/Publication/423/ContentImages/az-Latn-AZ/aleqsanyan.jpg)
Bu da beynəlxalq analitiklərə təxmin etməyə əsas verir ki, Olimpiya oyunları-2016-da bu çəki kateqoriyasında Aleksanyan qızıl medala hamıdan yaxın olacaq. Və Britaniyanın bukmeker şirkətlərindən biri artıq qeyd edib ki, Artur Aleksanyan Rioda qızıl medal qazana biləcək.