Əmək hüququ tələbi ilə etiraz – Tbilisidə konstitusiya layihəsinin müzakirəsi yarımçıq dayandırılıb

12:47

İlianın yolu ilə gedin! Kommunizmlə bitirin! Kommunistlərə Gürcüstanda yer yoxdur! – bu sözlərlə Tbilisidə parlamentin sədri İrakli Kobaxidze konstitusiyanın yekun müzakirəsi zamanı gələn və əmək şəraitin yaxşılaşdırılması ilə bağlı qanunvericilikdə dəyişikliklər edilməsini tələb edən bir qrup gəncə müraciətlə deyib. Kobaxidze aksiya iştirakçılarını nalayiq davranışda ittiham edib.

“Fasad həmrəyliyi -kommunistlərin icadıdır. Bu, sizin yolunuz deyil. İlia Çavçavadzenin yolu ilə gedin! Gürcüstanda kommmunizm başa çatıb! Kommunizm kəmsavadlılığın nəticəsidir. Ağıllı olun, kommunizm sona çatıb!” – İrakli Kobaxidze deyib

12:41

Tbilisi filarmoniyasının konsert zalında keçirilən Gürcüstan konsitusiyası layihəsinin yekun müzakirəsi “Auditoriya115” təşkilatının üzvlərinin etirazı ilə başladı. Onlar konstitusiya komissiyasına müraciətlə “Konstitusiya xalqındır”, “Dörd şaxtaçı” şüarları səsləndirirdilər.

Aksiya iştirakçıları konstitusiyada əmək hüququnu qeydə almaq, həm də əməyin mühafizəsi müfəttişliyini yaratmaqla bağlı tələblər irəli sürdülər. Hazırda çıxış edən şəhər sakinləri siyasətçiləri əməkçilərin hüquqlarını qorumağa çağırır.