Abxaziyada yüngül mühərrikli təyyarə qəzaya uğrayıb

Abxaziyada Pitsunda kurortu ətrafında yüngül mühərrikli təyyarə qəzaya uğrayıb, pilot və iki sərnişini, o cümlədən də altı yaşlı qız həlak olublar.

Abxaziya Fövqəladə Hallar Nazirliyinin məlumatına görə, təyyarə Rusiyanın “Sedmoe nebo” kommersiya aviaklubuna məxsus olub. Pilot və sərnişinlərdən biri rusiyalıdır, həlak olan qız uşağı Odessadandır. Təyyarənin hansı səbəbdən qəzaya uğraması hələ məlum deyil.

Bu, son bir ayda Pitsundada qəzaya uğrayan ikinci yüngül mühərrikli təyyarədir. İyunun 6-da mühərrikin sıradan çıxması nəticəsində eyni cür təyyarə qəzaya uğramışdı, amma pilot və iki sərnişin müxtəlif xəsarətlər alsalar da, sağ qalmışdılar.

Nəşr olunan materiallardakı terminlər, toponimlər, fikirlər və ideyalar JAMnews-un və ya ayrı-ayrı əməkdaşlarının fikir və ideyaları ilə üst-üstə düşməyə bilər. JAMnews dərc olunan materialların altında yazılan və təhqir, təhdid, zorakılığa çağırış və ya başqa səbəblərdən etnik narazılıq doğuran kimi dəyərləndirilən şərhləri silmək haqqını öz üzərində saxlayır