Gürcüstanda Tkibuli mədənində qəza. Dörd nəfər həlak olub

Tkibulidə (Qərbi Gürcüstan) mədənin qismən uçması nəticəsində dörd nəfər həlak olub. Gürcüstanın Daxili  İşlər Nazirliyi istintaqa başlayıb. Qurumdan bildiriblər ki, “dağ, tikinti və ya başqa işlərin həyata keçirilməsi zamanı təhlükəsizlik qaydalarının pozulması, ehtiyatsızlıq üzündən sağlamlığa az ağır və ya ağır zərərin yetirilməsinə gətirib çıxarması” maddəsi ilə  istintaqa başlanılıb.

Tbilisidən Tkibuli mədən şəhərciyinə həlak olanların cəsədlərini çıxarmaq üçün bir qrup dağ xilasediciləri yola düşüb. Hadisə yerində hüquq-mühafizə orqanlarının nümayəndələri və xilasetmə xidmətinin əməkdaşları səfərbər edilib.