Ərdoğan: Türkiyə Krımın qanunsuz ilhaqını dəstəkləmir
Türkiyə prezidenti Rəcəb Tayyib Ərdoğan Ukraynaya səfəri zamanı bəyan edib ki, Ankara Krımın Rusiya tərəfindən ilhaqını tanımır.
Hromadske-nin məlumatına görə, bu haqda Ərdoğan Ukrayna prezidenti Vladimir Zelenski ilə görüşündən sonra keçirilən mətbuat konfransında bəyan edib.
•Rusiya, Türkiyə və İran – niyə ABŞ onlara iqtisadi müharibə elan edib?
•Türkiyə NATO-nu tərk edəcəkmi?
“Mən bir daha vurğulamaq istəyirəm ki, Türkiyə Krımın qanunsuz ilhaqını dəstəkləmir. Türkiyə Krım da daxil olmaqla Ukraynanın ərazi bütövlüyünü və suverenliyini dəstəkləyir”, – o deyib.
Rusiya 2014-cü ilin martında Meydan hərəkatının qələbəsi və Ukraynada hakimiyyət dəyişikliyindən sonra Krımın bu ölkəyə birləşməsini elan edib.
Bundan başqa, Ukrayna prezidentinin mətbuat xidmətindən bildirilib ki, Türkiyə Ukraynaya 36 milyon dollar yardım ayıracaq – bu məbləğlı Kiyev Türkiyədən hərbi və ikili təyinatlı mallar ala biləcək.
Həmçinin prezidentin səfəri zamanı Ukrayna və Türkiyə hərbi-maliyyə əməkdaşlığı haqda saziş imzalayıb. Ukraynanın müdafiə naziri Andrey Zaqorodnyukun sözlərinə görə, ilk növbədə söhbət həm də yüksək dəqiqliyə sahib tank əleyhinə vasitələrin müştərək istehsalından, vertolyotların təmiri və istismarından gedir.
