İsmayıl Abdullayev oyunları şərh edə bilməyəcək, amma xəbərləri oxumağa davam edəcək " />

İrqçi zarafatına görə azərbaycanlı idman şərhçisi bir aylıq işdən uzaqlaşdırılıb

İsmayıl Abdullayev oyunları şərh edə bilməyəcək, amma xəbərləri oxumağa davam edəcək

Azərbaycanlı idman şərhçisi İsmayıl Abdullayev qaradərili futbolçunun ünvanına irqçi zarafatına görə bir ay müddətində oyunları şərh etməkdən uzaqlaşdırılıb.

• Cənubi Afrika burları Gürcüstanda: lavanda sahəsi və təhlükəsizlik hissi

• Əmək miqrasiyası Ermənistan kəndlərinin demək olar ki, bütün kişilərini “aparıb”

Avqustun 12-də Manchester United və Chelsea klubları arasında oyunun yayınlanması zamanı İsmayıl Abdullayev həmkarı ilə dialoqunda Chelsea klunbunun oyunçusu N’Qolo Kantenin dərisinin rəngi ilə bağlı zarafat edib. Həmkarının “Kante geriyə qayıtdı, özünü oda atdı, amma yanmadı” sözlərinin cavabında Abdullayev “Yansaydı da, rəngində bir fərq olmayacaqdı” deyib.

“Gözünüz aydın, bir ay müddətinə şərhlərdə olmayacam. Bilmirəm, qayıdacam, yoxsa yox”, – İsmayıl Abdullayev Instagram səhifəsində yazıb.

Foto: Reuters

Azarkeşlərin reaksiyası

Oyunu izləyən azarkeşlərin fikri haçalanıb.

Sosial şəbəkədə gedən şərhlərin bir neçəsi:

“Düz eləyib, uzaqlaşdırıblar onu. Məişət səviyyəsində bu irqçilik bezdirib artıq”;

“Heç olmasa, üzr istəyərdi. Amma bizim ölkəmizdə heç kim öz səhvinə görə üzr istəməyi bacarmır və buna gərək də duymur”;

“İsmayıl Abdullayev bizim ən yaxşı şərhçilərimizdən biridir. Sadəcə dildən itidir, odur ki, hərdən yersiz zarafatlara yol verir”.

Presedent

Azərbaycanda indiyə qədər irqçiliklə bağlı ən səs-küylü media qalmaqalı 2016-cı ildə baş verib

O zaman telekanalların birində hava proqnozunu təqdim edən qara dərili aparıcı işdən azad edilmişdi. Rəsmi səbəb Azərbaycan dilini pis bilməsi göstərilmişdi. Amma qəzəblənmiş ictimaiyyət əsl səbəbin “Azərbaycan” qəzetində dərc edilən məqalə olduğuna əmin idi. Məqalədə hava proqnozu təqdimatının qara dərili birinə həvalə olunması tənqid edilmiş, bu durum “zövqsüzlük, Azərbaycan qadınının gözəlliyinə qarşı biganəlik və dönüklük” adlandırılmışdı.


More on JAMnews