Azərbaycanda son üç ildə dövlətin dini icmalara maliyyə dəstəyi üç dəfə azalıb
Azərbaycanda rəsmi tanınmış dini icmalar dövlətdən 1,8 milyon manat (1.05 milyon dollar) alacaq.
Bununla bağlı Azərbaycan prezidenti İlham Əliyev iyunun 20-də sərəncam verib.
Göstərişə əsasən Qafqaz Müsəlmanları İdarəsi prezidentin ehtiyat fondundan 1 milyon manat (588min dollar), rus pravoslav kilsəsinin yerli yeparxiyası və Bakı dağ yəhudiləri icması hərəsinə 0,25 milyon manat (147 min dollar) alacaq. Dövlətdən hərəsinə 0,1 milyon manat (58.8 min dollar) olmaqla Avropa yəhudilərinin Bakı icmasına, Roma Katolik Kilsəsinin apostol prefekturasına və alban-udin xristian icmasına çatacaq.
Üç il əvvəlin göstəriciləri ilə müqayisədə dini icmalara edilən maliyyə yardımı dollar ekvivalentində üç dəfə azalıb.
Müqayisə üçün 2014-cü ildə dövlətdən dini icmaların dəstəklənməsi üçün 2,5 milyon manat (və ya o vaxtkı məzənnə ilə 3.2 milyon dollar) ayrılıb.