Թունավոր ծուխն այնպես է պատել քաղաքը, որ Վլադիկավկազի բանկիչներից շատերն արագ լքել են քաղաքը:" />

Հրդեհ՝ Վլադիկավկազի վտանգավոր արտադրությունում. արդյո՞ք իշխանությունները ճշմարտությունն են խոսում էկոլոգիական հետևանքների մասին

Թունավոր ծուխն այնպես է պատել քաղաքը, որ Վլադիկավկազի բանկիչներից շատերն արագ լքել են քաղաքը:

Մեծամասշտաբ հրդեհ է բռնկվել Հյուսիսային Օսիայի խոշորագույն ձեռնարկությունում: Մանրամասներն ու հետևանքներն՝ ըստ «Կավկազսկի ուզել» առցանց պորտալի տեղեկատվության:

Ի՞նչ է տեղի ունեցել

Կիրակի՝ հոկտեմբերի 21-ին, հրդեհ է բռնկվել Հյուսիսային Օսիայի մայրաքաղաք Վլադիկավկազի «Էլեկտրացինկ» գործարանում: Հրդեհման մակերեսը կազմել է 4.5 հազար քառակուսի մետր:

Հրդեհը հաջողվել է մարել միայն օրվա կեսին: Զոհվել է մեկ հրշեջ, երեքը տուժել են:

Թունավոր ծուխն այնպես է պատել քաղաքը, որ Վլադիկավկազի բանկիչներից շատերն արագ լքել են քաղաքը:

Հրդեհը տեղի է ունեցել նոր արտադրամասում, որը կառուցվել է մի քանի տարի առաջ: Կատարվածի պատճառների պաշտոնական վարկած դեռ չկա:

Ի՞նչ է «Էլեկտրացինկը»

«Էլեկտրացինկը» Հյուսիսային Օսիայում գունավոր մետալուրգիայի խոշորագույն արդյունաբերական ձեռնարկություն է՝ երկրորդը Ռուսաստանում՝ ըստ հզորության, որը հայտնի է ցինկի, կապարի, կադմիումի և ծծմբաթթվի արտադրությամբ:

Ձեռնարկության սեփականատերը Ուրալի լեռնամետալուրգիական ընկերությունն է:

Իշխանությունների արձագանքը

Հյուսիսային Օսիայի գլխավոր սանիտարական բժիշկ Ալան Թիբիլովը, հիմնվելով լաբորատոր հետազոտությունների վրա, նշել է, որ «Էլեկտրացինկում» տեղի ունեցած հրդեհից հետո Վլադիկավկազում գրանցվել է ածխածնի օքսիդի և կախույթային նյութերի կուտակման թույլատրելի քանակի ոչ մեծ գերազանցում:

Հյուսիսային Օսիայի ղեկավար Վյաչեսլավ Բիտարովն, իր հերթին, սոցցանցերում քաղաքը լքելու՝ տեղացիներին ուղղված կոչերի տարածումից հետո հայտարարել է, որ «լուրերն այն մասին, թե իբր պետք է փախչել քաղաքից, սադրանք են ժողովրդի մեջ իրարանցում առաջացնելու և նյարդային իրավիճակ ստեղծելու համար»:

Հասարակության արձագանքը

Սոցցանցերը լի են վախեցած և վրդովված մարդկանց մեկնաբանություններով:

Բնորոշ մեջբերում:

«Իշխանությունների և անձամբ Վյաչեսլավ Բիտարովի հանրային արձագանքն այսօրվա իրադարձություններին դեռ շատ թույլ է: Այն իրավիճակում, երբ մարդիկ փախչում են քաղաքից, հանրապետության բոլոր բնակիչներին այն բանի ընկալումն է անհրաժեշտ, որ իշխանությունն իրենց կողքին է: Անգամ եթե դեռ ոչինչ հասկանալի չէ՝ ոչ հրդեհի պատճառները, ոչ արտանետման իրական սպառնալիքը, ոչ դրա հետևանքները:

Այս պահին պետք չէ խոսել ոչ «քաղաքական սադրանքների», ոչ էլ այլ բաների մասին՝ «Էլեկտրացինկից» բացի: Իսկ նման բան չհնչեց», — հոկտեմբերի 21-ի երեկոյան գրել է հյուսիսօսական «Դարյալ» գրական ամսագրի գլխավոր խմբագիր Ալան Ցխուրբաևը:


Կարդալ ավելին JAMnews-ում