Քննիչներն ու ականատեսները չեն բացառում հրկիզման վարկածը" />

Հարավային Օսիայում պայթել է հայտնի ձեռնարկատիրոջ ավտոմեքենան

Քննիչներն ու ականատեսները չեն բացառում հրկիզման վարկածը

Ցխինվալի կենտրոնում՝ Թատերական հրապարակից ոչ հեռու, որտեղ տեղադրված է ամանորյա տոնածառը, այրվել, այնուհետև պայթել է Toyota Land Cruiser Prado ավտոմեքենա:

Այն կայանված է եղել «Vincenzo» սրճարաի մոտ և պատկանել է Հարավային Օսիայի Բոքսի ֆեդերացիայի նախագահ Ալբերտ Վալիևին:

Դեպքի վայր ժամանած հրշեջներն արագ մարել են կրակը:

«Երբ մեքենան սկսեց այրվել, մենք բոլորս դուրս թռանք փողոց: Ես վստահ եմ, որ դա հրկիզում է, քանի որ վարորդի կողմից ուղևորի տեղի դուռը բաց էր: Բոլորն ընդարմացել էին, ոչ ոքի մտքով չանցավ վազել և սրճարանից կրակամարիչ բերել», — պատմում է միջադեպի ականատես, սրճարանի աշխատակից Մադինան: Նրա խոսքով՝ մեքենայի հրդեհումից հետո 10 րոպեի ընթացքում երեք պայթյուն է տեղի ունեցել, հրշեջները տեղ են հասել և սկսել հրդեհը մարել մոտ 15 րոպե անց:

«Չեմ կարող նույնիսկ մոտավորապես ենթադրել, թե ինչպես դա կարող էր տեղի ունենալ և ինչու: Ամանորից առաջ տրամադրությունս փչացավ: Բացի այդ, վհատվել եմ (ոչնչացված) աշխատանքային փաստաթղթերի պատճառով. ես դրանք սովորաբար թողնում եմ մեքենայում: Ո՞վ կարող էր ենթադրել, որ նման բան կլինի», — JAMnews-ին ասել է «Vincenzo» սրճարանի տեր Ալբերտ Վալիևը:

Այժմ դեպքի վայրում աշխատում են ԱԻՆ մասնագետներն ու իրավապահները: Քննիչները չեն բացառում հրկիզման վարկածը:

Հրապարակման մեջ տեղ գտած եզրերը, տեղանունները և գաղափարները կարող են չհամընկնել JAMnews-ի կամ նրա առանձին աշխատակիցների կարծիքների և գաղափարների հետ: JAMnews- ն իրեն իրավունք է վերապահում հեռացնել հրապարակման այն մեկնաբանությունները, որոնք կգնահատվեն որպես վիրավորական, կպարունակեն բռնության կամ սպառնալիքի կոչեր, կամ այլ պատճառներով էթիկապես անընդունելի կլինեն:

Տերմինները, տեղանունները, մտքերը և գաղափարները պատկանում են հրապարակման հեղինակին և պարտադիր չէ, որ համընկնեն JAMnews-ի կամ նրա առանձին աշխատակիցների կարծիքների և գաղափարների հետ: JAMnews-ն իրավունք է վերապահում հեռացնել հրապարկումների վերաբերյալ արված այն մեկնաբանությունները, որոնք կգնահատվեն որպես վիրավորական, սպառնալիք պարունակող, բռնություն հրահրող կամ այլ պատճառներով էթիկապես անընդունելի

Կարդալ ավելին JAMnews-ում