Մեղքի ապացուցման դեպքում նա կարող է 4-8 տարով ազատազրկվել" />

Հայաստանի նախկին նախագահ Սերժ Սարգսյանը կարող է հայտնվել ամբաստանյալի աթոռին

Մեղքի ապացուցման դեպքում նա կարող է 4-8 տարով ազատազրկվել

Ավարտվել է պետական միջոցների հափշտակության մասին քրեական գործի հետաքննությունը, որով մեղադրանք է ներկայացվել Հայաստանի երրորդ նախագահ Սերժ Սարգսյանին։

Պետության նախկին ղեկավարը մեղադրվում է այսպես կոչված «դիզելի գործով»։ Նրան մեղադրանք է առաջադրվել ավելի քան մեկ միլիոն դոլարի բյուջետային միջոցների վատնման փաստով։

Այժմ գործը մեղադրական եզրակացությամբ փոխանցվել է դատախազություն։ Հայաստանի Հատուկ քննչական ծառայությունը միջնորդություն է ներկայացրել նյութերը դատարան ուղարկելու վերաբերյալ։

Հերթական նախագահական գործի մանրամասները․ ինչի՞ համար է մեղադրվում Սերժ Սարգսյանը

Ինչո՞ւ են նստեցրել Հայաստանի նախկին նախագահ Ռոբերտ Քոչարյանին

Քնչական մարմինը հաղորդում է, որ հետաքննության ընթացքում ապացույցներ են ստացվել առ այն, որ Հայաստանի գյուղատնտեսության նախկին նախարար Սերգո Կարապետյանը 2013-ի հունվարի 25-ից մինչև փետրվարի 7-ը կառավարության պահուստային ֆոնդից վատնել է 489.160.310 դրամ։ Այդ գումարը տրամադրվել էր որպես սուբսիդիա 15.391.765 լիտր դիզելային վառելիք ձեռք բերելու համար պետական աջակցության ծրագրերի շրջանակում։

Ըստ քննության վարկածի՝ հափշտակությունը կազմակերպվել է նախագահ Սերժ Սարգսյանի կողմից «Ֆլեշ» ընկերության սեփականատեր Բարսեղ Բեգլարյանի դրդմամբ։

Այս հանցագործությունների կատարման համար

• Սերգո Կարապետյանին մեղադրանք է առաջադրվել պաշտոնեական դիրքի չարաշահմամբ առանձնապես խոշոր չափի գույքի յուրացման կամ վատնման համար;

• Սերժ Սարգսյանին և Բարսեղ Բեգլարյանին հանցակցության մեղադրանք է առաջադրվել։

Նախկին նախագահն իր մեղքը չի ճանաչում և գործը քաղաքական հետապնդում է համարում։

Ի դեպ, 2018 թվականի «թավշյա» հեղափոխությունից հետո Սարգսյանը երկրորդ նախագահն է, որի դեմ քրեական գործ է հարուցվել։ Եվ եթե նա դեռ ազատության մեջ է, ապա Ռոբերտ Քոչարյանն արդեն մեկ տարուց ավելի է, ինչ բանտում է։


Կարդալ ավելին JAMnews-ում