Դիվանագիտական ներկայացուցչությունը Սիրիայում պատրաստ է կազմակերպել գնդակոծության տակ գտնվող բնակավայրերից հայրենակիցների շտապ տարհանումը" />

Հայաստանը դատապարտել է Թուրքիայի ներխուժումը Սիրիայի տարածք

Դիվանագիտական ներկայացուցչությունը Սիրիայում պատրաստ է կազմակերպել գնդակոծության տակ գտնվող բնակավայրերից հայրենակիցների շտապ տարհանումը

Թուրքիա, Սիրիա, Էրդողան, Նիկոլ Փաշինյան

Հայաստանը դատապարտում է Սիրիայի տարածք Թուրքիայի զորքերի ներխուժումը։ Այս մասին ասված է  Հայաստանի արտգործնախարարության հաղորդագրությունում։ Վարչապետը նույնպես դիմել է միջազգային հանրությանը՝ թուրքական ներխուժումը կասեցնելու համար բոլոր ջանքերը գործադրելու կոչով։

Սիրիայում Հայաստանի հումանիտար առաքելությունը շարունակվում է։ Հայ բժիշկներն ու սակրավորները շարունակում են իրենց ամենօրյա աշխատանքը։

Սիրիայում Հայաստանի դիվանագիտական ներկայացուցչությունը պատրաստ է կազմակերպել գնդակոծման տակ հայտնված հայրենակիցների շտապ տարհանումը, մասնավորապես, Թել Աբյադ և Կամիշլի քաղաքներից։

Թուրքիան Սիրիայի հյուսիս-արևելքում գործողություն է սկսել իր սահմանների երկայնքով «անվտանգության գոտի» ստեղծելու համար։ Գրոհի է ենթարկվել ավելի քան 200 օբյեկտ։ Կիրառվում է ծանր սպառազինություն՝ ավիացիա և հրետանի։ Վաշինգտոնը հայտարարել է, որ չի խոչընդոտելու թուրք զինվորականներին, և այս տարածքից սկսել է դուրս բերել իր զորքերը։ Ստեղծված իրավիճակում հակամարտության սրման սպառնալիք է առաջացել Թուրքիայի և Սիրիայի քրդերի միջև, որոնք այժմ վերահսկում են Սիրիայի հյուսիս-արևելքը։ 

Ինչո՞վ են Թուրքիային խանգարում Սիրիայի քրդերը

Սիրիան որպես ելք

Հայաստանի ԱԳՆ-ն զգուշացնում է հումանիտար ճգնաժամի մասին

Արտաքին քաղաքական գերատեսչության հաղորդագրությունում ասվում է․

«Ներխուժումը կհանգեցնի տարածաշրջանային անվտանգության հետագա վատթարացման, քաղաքացիական բնակչության շրջանում մարդկային կորուստների, տեղահանվածների մեծ հոսքի և ի վերջո մարդասիրական նոր ճգնաժամի»։

Այս ռազմական ներխուժումը, համաձայն հայկական ԱԳՆ հայտարարության, ինքնության հիման վրա մարդու իրավունքների կոպիտ և զանգվածային խախտումների վտանգ է ստեղծում։

«Հայաստանը կոչ է անում գործադրել գործուն միջազգային ջանքեր այս ռազմական ներխուժումը դադարեցնելու, զանգվածային վայրագությունները կանխելու և Թուրքիային սահմանակից Սիրիայի բնակչությանը պաշտպանելու ուղղությամբ»։

Բացի այդ, հաղորդագրության մեջ խոսվում է, որ Երևանը շարունակելու է հումանիտար օգնություն ցուցաբերել Սիրիայի եղբայրական ժողովրդին։

Հայաստանի մարդասիրական օգնության մասին

Երևանը խաղաղարար օգնություն է ցուցաբերում Դամասկոսին պատերազմի մեկնարկից ի վեր։ Օգնությունը նախատեսված է Սիրիայի բնակչության համար, որը տուժել է ռազմական գործողությունների արդյունքում։

Հայկական կողմը բազմիցս ընդգծել է, որ Սիրիայում բացառապես խաղաղ նպատակներ է հետապնդում և սահմանափակվում է միայն մարդասիրական գործունեությամբ։

«Օգնությունը ցուցաբերվելու է բացառապես մարտական գործողությունների գոտուց դուրս։ Հայ մասնագետները հումանիտար գործունեություն են իրականացնելու՝ կապված ականազերծման, բնակչության հակաականային իրազեկման հետ, նաև Հալեպում բժշկական օգնություն ենք ցուցաբերելու»,հայտարարել էր  Հայաստանի պաշտպանության նախարարության մամուլի խոսնակ Արծրուն Հովհաննիսյանը։

Հայաստանի վարչապետ Նիկոլ Փաշինյանը հայտարարել էր նաև, որ հայ մասնագետները ներգրավված չեն լինելու մարտական գործողություններին․

«Սա բացառապես հումանիտար ծրագիր է, և ոչ մի ռազմական նշանակություն չունի։ Մենք մտադիր ենք իրականացնելու այս ծրագիրը Հայաստանի բյուջետային հնարավորությունների շրջանակում։ Հումանիտար ծրագրի անցկացման բոլոր ծախսերը հաշվի են առնվել 2019թ-ի բյուջեի նախագծում»։

Սիրիայում մարտական գործողությունների ակտիվ փուլի ավարտից հետո 2019թ-ի փետրվարին Հայաստանն այնտեղ մարդասիրական առաքելություն էր ուղարկել։ Դա սակրավորների և բժիշկների առաջին խումբն էր՝ ընդհանուր 83 մարդ։

Տագնապ Պանկիսիի կիրճում․ Սիրիայի պատերազմի արձագանքը Վրաստան է հասել

Հայաստանը շարունակելու է մարդասիրական առաքելությունը Հալեպում

Այն մասին, որ Հայաստանը դատապարտում է Սիրիայի տարածք թուրքական զորքերի ներխուժումը, հոկտեմբերի 10-ին հայտարարել է նաև Հայաստանի վարչապետը․

«Մենք մտահոգված ենք իրավիճակով, որովհետև, մեր գնահատմամբ, այդ գործողությունը ավելի կխորացնի Սիրիայում հաստատված մարդասիրական ճգնաժամը»։

Նիկոլ Փաշինյանը կարծում է, որ միջազգային հանրությունը պետք է քայլեր ձեռնարկի Թուրքիայի ապօրինի ներխուժման կասեցման և Թուրքիայի սահմանի երկայնքով Սիրիայի քաղաքացիներին, այդ թվում՝ ազգային փոքրամասնություններին պաշտպանելու ուղղությամբ։

«Այդ համատեքստում Սիրիայում, Հալեպում Հայաստանն իրականացնում է մարդասիրական առաքելություն, հաջողությամբ է իրականացնում, և մենք կշարունակենք այդ առաքելության իրականացումը», – ընդգծել է Փաշինյանը։

Այս փաստը հաստատել է նաև Հումանիտար ականազերծման և փորձագիտական կենտրոնի հասարակայնության հետ կապերի պատասխանատու Նազելի Էլբակյանը․

«Սիրիայում հումանիտար առաքելություն իրականացնող խմբի ղեկավարի հետ րոպեներ առաջ ենք խոսել: Առաքելությունը բնականոն հունով շարունակվում է… Առաքելությունն այլ հանձնարարություն չի ստացել: Հայ բժիշկներն ու ականազերծողները Հալեպում շարունակում են իրենց ամենօրյա առաքելությունը»։

Ի՞նչ է ձեռնարկում Հայաստանի կառավարությունը

Հայաստանի կառավարությունը որոշում է կայացրել, որի համաձայն՝ Սիրիայի, Լիբանանի և Իրաքի քաղաքացիները կարող են Հայաստանի քաղաքացիություն ստանալ իրենց երկրներում։

Հայաստանի արտաքին գործերի փոխնախարար Ավետ Ադոնցը պարզաբանել է, որ դեռևս 2012թ-ին կառավարությունը նման որոշում է կայացրել, և Սիրիայի, Լիբանանի, Իրաքի քաղաքացիները կարող էին Հայաստանի քաղաքացիություն և անձնագիր ստանալ այդ երկրներում Հայաստանի դեսպանատներում կամ հյուպատոսություններում։ Սակայն այն ժամանակ ժամկետային սահմանափակում կար՝ մինչև 2018թ-ի դեկտեմբերի 31-ը։

«Հաշվի առնելով ներքին իրավիճակն ու լարվածությունն այդ երկրներում, անհրաժեշտ է երկարաձգել այդ որոշման գործողության ժամկետը, որպեսզի այդ երկրների քաղաքացիները կարողանան առաջին հայկական անձնագրերը ստանալ իրենց երկրների դեսպանատներում և հյուպատոսարաններում մինչև 2019 թ-ի դեկտեմբերի 31-ը», – նշել է Ադոնցը։

Սիրիա Թուրքիայի ներխուժման հետևանքները

Հոկտեմբերի 10-ին, ըստ Սիրիական Sana գործակալության հաղորդագրության, հայտնի է դարձել, որ գնդակոծման հետևանքով տարբեր քաղաքներում 8 խաղաղ բնակիչ է զոհվել, 20 մարդ վիրավորվել է։

Հաղորդվում է նաև, որ զոհվածների թվում մի քանի երեխա և մեկ կին կա։

Տեղեկություն է հայտնվել նաև հայերի մասին, որոնք բնակվում են թուրքական զորքերի գնդակոծության տակ հայտնված բնակավայրերում։

Տեղեկությունը ֆեյսբուքյան իր էջում տարածել է  Կրթության, գիտության, մշակույթի, երիտասարդության և սպորտի խորհրդարանական հանձնաժողովի ղեկավար Մխիթար Հայրապետյանը։

Վկայակոչելով Սիրիայում Հայաստանի գլխավոր հյուպատոս Արմեն Սարգսյանի խոսքերը, Հայրապետյանը հաղորդել է, որ Սիրիայում հայկական ներկայացուցչությունը պատրաստ է կազմակերպել հայրենակիցների շտապ տարհանումը։

«Թուրքերը գնդակոծում են Թել Աբյադ քաղաքը, որտեղ 16 հայ ընտանիք կա․․․ Բացի այդ, Կամիշլին, որտեղ նույնպես մեծաթիվ հայեր կան, կրակի տակ է», – գրել է Հայրապետյանը։

Ավելի ուշ պարզվել է, որ 16-ից 13 ընտանիք արդեն մեկնել է Թել Աբյադից, իսկ Կամիշլիի հայերը՝ ավելի քան 400 ընտանիք, դեռևս չեն համաձայնում լքել իրենց տները։


Կարդալ ավելին JAMnews-ում