Լիտվան վրացերենով հնչելու է որպես Լիետուվա" />

Լիետուվա և Սաքարթվելաս. Վրաստանն ու Լիտվան միմյանց աուտենտիկ կերպով են անվանելու

Լիտվան վրացերենով հնչելու է որպես Լիետուվա

Վրաստանի Լեզվի պետական դեպարտամենտի մայիսի 11-ի որոշման համաձայն՝ այսուհետ մերձբալթյան Լիտվա պետությունը վրացերենով կոչվելու է Լիետուվա, իսկ նրա բնակիչները՝ լիտվացիները՝ լիետուվացիներ:

Լիետուվան (Lietuva) աուտենտիկ անվանում է, այսինքն՝ հենց այսպես են սեփական երկիրն անվանում լիտվացիները (արդեն՝ լիետուվացիները): Այս որոշումը բարեկամական ժեստ է: Իսկ մինչ այդ, մայիսի 3-ին Լիտվերեն լեզվի պետական հանձնաժողովը ներմուծել է Վրաստանի աուտենտիկ անվանումը, և այժմ լիետուվերենում ռուսական «Գրուզիա» անվան փոխարեն օգտագործվում է «Sakartvelas» անվանումը:

«Ինչպես Լիտվայի, այնպես էլ Վրաստանի որոշումները խորհրդանշական են, քանի որ այս տարի Լիտվան նշել է իր պետականության վերականգնման 100-ամյակը, իսկ Վրաստանը մայիսի 26-ին նշում է Առաջին հանրապետության 100-ամյակը», —իր պաշտոնական կայքում հայտնում է Վրաստանի ԱԳՆ-ն:

Այս տեղեկատվությունն այս օրերին առանձնակի արդիականություն է ձեռք բերել, քանի որ Վրաստանում է գտնվում Լիետուվայի նախագահ Դալյա Գրիբաուսկայտեն: Նա ժամանել է մայիսի 26-ին կայանալիք տոնական միջոցառումներին մասնակցելու, որոնք նվիրված են Վրաստանի անկախության 100-ամյա հոբելյանին:

  • Ռուսաստանի բացի «Գրուզիա» բառը որպես այդ պետության անվանում օգտագործում են շատ այլ երկրներ: Օրինակ՝ Ճապոնիան: Կամ արևելյան երկրները, որոնցում մեծ է Ռուսաստանի ազդեցությունը: Վրաստանում համարում են, որ այդ անվանումն ասոցացվում է իմպերիայի կազմում երկրի 200-ամյա ներկայության հետ:
  • Պատմաբանները կարծում են, որ «Գրուզիա» անվանումը սերում է  քարթլիական «Գուրզանի» թագավորության սիրիական անվանումից, որը փոխակերպվել է «Գրուզիայի»:

Կարդալ ավելին JAMnews-ում