Երկու օրով Վրաստանի մայրաքաղաքը նմանվում է հսկայական գյուղատնտեսական շուկայի՝ լի աշնան բարիքներով" />

Թբիլիսոբա 2018. խորովածի և չուրչխելայի բույր: Ֆոտոռեպորտաժ Քաղաքի օրվա մասին

Երկու օրով Վրաստանի մայրաքաղաքը նմանվում է հսկայական գյուղատնտեսական շուկայի՝ լի աշնան բարիքներով

Այս հանգստյան օրերին Թբիլիսիում ամենուր խորովածի ու չուրչխելայի բույր է:

Քաղաքի օրն, ինչպես միշտ, մեծ շուքով է նշվում:

Այս տոնը հորինվել է խորհրդային Վրաստանի տարիներին: Առաջին Թբիլիսոբան անցկացվել է 1979թ-ի հոկտեմբերի 28-ին Վրաստանի Կոմկուսի Կենտկոմի այն ժամանակվա առաջին քարտուղար Էդուրադ Շևարդնաձեի նախաձեռնությամբ:

Այս տոնը նվիրված է բերքահավաքին: Այս օրը մայրաքաղաք են գալիս գյուղացիներ և ֆերմերներ Վրաստանի տարբեր անկյուններից և բերում են իրենց ապրանքը: Երու օրով Վրաստանի մայրաքաղաքը նմանվում է հսկայական գյուղատնտեսական շուկայի, որը լի է աշնան բարիքներով՝ խաղողով, խուրմայով, գինով, մեղրով, չուրչխելայով, չրերով: Եվ այդ ամենը վաճառվում է վրաններում՝ հենց կենտրոնական փողոցներում:

Այստեղ էլ հենց խորոված են անում և փաթաթում անուշաբույր լավաշի մեջ:

Բացի այդ, հյուրերին այլ միջոցառումներ էլ են սպասվում, որոնք կազմակերպվում են Թբիլիսիի քաղաքապետարանի կողմից՝ համերգներ, թատերական ներկայացումներ, ատրակցիոններ և խաղեր երեխաների համար: Տեղի է ունենում նաև ձեռագործ իրերի տոնավաճառ:

Այս օրը զբոսաշրջիկների սրտով է. կենտրոնական փողոցները փակ են, կարող ես քայլել, որքան սիրտդ ուզի: Իսկ քաղաքի կենտրոնական շրջանների բնակիչները բողոքում են խցանումների հետևանքով առաջացած անհարմարություններից:

Թե ինչպիսին էր 2018թ-ի Թբիլիսոբան, ծանոթացեք JAMnews-ի ֆոտոռեպորտաժին:

Լուսանկարը՝ Գալա Պետրի, Friend in Georgia

Լուսանկարը՝ Գալա Պետրի, Friend in Georgia

Լուսանկարը՝ Գալա Պետրի, Friend in Georgia

Լուսանկարը՝ Գալա Պետրի, JAMnews

 


Կարդալ ավելին JAMnews-ում