Օսական ֆոլկլորն ու մշակույթը սմարթֆոնի միջոցով հասանելի դարձնելը կաջակցի օսերենին" />

Գործարկվել է առաջին բջջային հավելվածն օսերենով

Օսական ֆոլկլորն ու մշակույթը սմարթֆոնի միջոցով հասանելի դարձնելը կաջակցի օսերենին

Գործարկվել է առաջին բջջային հավելվածն օսերեն լեզվով: Այն կոչվում է «Իրոն չինըգ», ինչը թարգմանաբար նշանակում է «Օսական գիրք»: Ներբեռնելով հավելվածը՝ կարելի է լսել «Նարտյան ասքերի» ամբողջական շարքն օսերեն լեզվով, ընդհանուր՝ 64 պատմվածք:

Հավելվածն առաջարկում է նաև աուդիոգրքեր, ներկայացումներ և հայտնի օս բանաստեղծների ստեղծագործությունները: Կարելի է նաև«Բազոն-բազոն» («Իմացիր-իմացիր») խաղը խաղալ:

Հավելվածը հասանելի է Android օպերացիոն համակարգի օգտատերերի համար: Հեղինակը ծրագրավորող Ախսար Գաբարաևն է Հյուսիսային Օսիայից: Նա ասում է, որ որոշել է հավելված մշակել օսերի կողմից հարազատ լեզուն ավելի շատ օգտագործելու խթան ստեղծելու համար:

  • Օսերեն լեզուն ներառված է «Աշխարհի՝ անհետացման վտանգի տակ գտնվող լեզուների ատլասում», որը հրապարակվել է ՅՈւՆԵՍԿՕ-ի կողմից 2009թ-ին:
  • Այսօր օսերենով, ըստ տարբեր տվյալների, խոսում է աշխարհում 500-700 հազար մարդ: Դա օս ժողովրդի հարազատ լեզուն է, որն ապրում է Կովկասյան լեռնաշղթայի երկու լանջերին: Օսերենով են խոսում նաև Վրաստանի և Թուրքիայի մի քանի շրջաններում, որտեղ բնակվում են 19-րդ դարի երկրորդ կեսին իրենց պատմական հայրենիքը լքած օս մուհաջիրների սերունդները:
  • «Աշխարհի՝ անհետացման վտանգի տակ գտնվող լեզուների ատլասում» տեղ են գտել նաև Հյուսիսային Կովկասի ժողովուրդների շատ այլ լեզուներ, այդ թվում՝ աբխազերենը, ինգուշերենն ու չեչեներենը:

JAMnews-ի մանրամասն անդրադարձն օսերեն լեզվի խնդիրներին՝ այստեղ:


Կարդալ ավելին JAMnews-ում