Փոքր թաքնված գյուղ լեռներում, Թբիլիից՝ երկու ժամ մեքենայով։ Տեղացիների կյանքն այլևս նախկինը չի լինի, քանի որ նրանց գտել է իսրայելցի ներդրողը" />

Ապագա «դրախտ» զբոսաշրջիկների համա՞ր։ Ֆոտոռեպորտաժ Վրաստանի Դաշբաշ կիրճից

Փոքր թաքնված գյուղ լեռներում, Թբիլիից՝ երկու ժամ մեքենայով։ Տեղացիների կյանքն այլևս նախկինը չի լինի, քանի որ նրանց գտել է իսրայելցի ներդրողը

Slider

«Վրաստանում զբոսաշրջիկների համար նոր դրախտ ենք կառուցում»․ մոտավորապես այսպես է հնչում ներդրումային նախագծի խնդիրը, որը գործարկվել է 2019թ-ի ամռանը Թբիլիսիից դեպի հարավ գտնվող Դաշբաշ կիրճում։ Տեղացիները լի են սպասումներով։ Նրանց թվում է նաև Լեյլան՝ կիրճի մուտքի մոտ տեղակայված փոքր խանութի տերը։

Slider
Slider

Գյուղն ու կիրճը Վրաստանի հարավում գտնվող Քվեմո Քարթլի շրջանի Ծալկա ոչ մեծ քաղաքից երեք կիլոմետր հեռավորության վրա են։ Դաշբաշը հանգիստ վայր է, նույնիսկ ամռան հանգստյան օրերին, երբ այստեղ շատ են զբոսաշրջիկները։ Տեղացիները հասկանում են, որ կարող էին բիզնես կառուցել զբոսաշրջիկների շնորհիվ, սակայն ոչ ոք նախնական կապիտալ չունի։ Լեյլան բացառություն է։

Slider
Slider

Գրեթե բոլոր զբոսաշրջիկները մտնում են Լեյլայի խանութ։ Եվ լիմոնադ խմելու, և նրա այգուց բացվող տեսարանը վայելելու։ «Դաշբաշում ուրիշ ոչինչ չկա։ Մեզ կօգնեն միայն ներդրումները», - սահուն ասում է Լեյլան։

Slider
Slider

Նրա հույսերը կարող են արդարանալ շատ մոտ ապագայում։ 2019թ-ի մայիսին վրացական Պահպանվող տարածքների հարցերի գործակալությունը նոր նախագծի մեկնարկի մասին է հայտարարել։ Ներդրողն իսրայելական Kass Land ընկերությունն է։ Նախագիծն ամեն ինչից զատ ենթադրում է 240մ երկարությամբ կիրճի վրա թափանցիկ կամրջի շինարարություն, որի միջնամասում բազրիքներ են լինելու։

Slider
Slider

«Նախագիծը գործարկվել է օգոստոսին և կավարտվի 2020թ-ին։ Հույս ունենք, որ սեզոնին այստեղ օրական 2-3 հազար զբոսաշրջիկ է գալու։ Մենք պլանավորում ենք մոտ 60 մլն դոլար ներդնել», - JAMnews-ին պատմել է նախագծի մենեջեր Անա Շանիձեն։

Slider
Slider

Ակնկալվում է, որ Դաշբաշում նոր հյուրանոցներ, սրճարաններ և ռեստորաններ են հայտնվելու։ Kass Land-ը պլանավորում է նաև երաժշտական փառատոնի անցկացում։ Սակայն կիրճի մուտքն արդեն անվճար չի լինի, ինչպես հիմա է։ Մուտքը 15 լարի է լինելու [մոտ $5]։

Slider
Slider

«Ես շատ գոհ եմ։ Մեզ մոտ նոր աշխատատեղեր և նոր հնարավորություններ կհայտնվեն», - ասում է մի երիտասարդ Դաշբաշից, որը որպես բանվոր է տեղավորվել արդեն սկսված շինարարությունում։

Slider
Slider

Նոր ներդրումներից հաճելի սպասումները բացատրվում են, նախևառաջ, այդ շրջանում շատ ցածր կենսամակարդակով։ Աշխատատեղերը քիչ են։ Այստեղ՝ մեծ բարձրության վրա, դաշտերով և արոտավայրերով շրջապատված, միասին ապրում են վրացիները, հայերն, ադրբեջանցիներն ու հույները։ Նրանց գլխավոր զբաղմունքը գյուղատնտեսությունն է։ Տիպիկ պատկեր այս վայրերի համար․ ոչխարների մեծ հոտեր՝ հովիվների ուղեկցությամբ։

Slider
Slider

Ներդրումային նախագծի մենեջեր Անա Շանիձեն, սակայն, միանգամից զգուշացնում է․ «Պայմանագիրը մեզ չի պարտավորեցնում առաջին հերթին տեղացիներին աշխատանքով ապահովել։ Սակայն ինչ-որ աշխատատեղեր մենք նրանց իհարկե կառաջարկենք»։

Slider
Slider

Դաշբաշում ոչ բոլորն են հիմնվում նոր աշխատատեղերի խոստումների վրա։ Ոմանք սեփական պլաններն են կազմում։ Օրինակ, Լեռնիկը՝ տարեց մի տղամարդ, վերջերս փոքր խանութ է բացել Ծալկա քաղաքում՝ կիրճից երեք կիլոմետր հեռավորության վրա։

Slider
Slider

«Եթե զբոսաշրջիկներն ավելանան, հոսթել էլ կբացեմ։ Դաշբաշում մեծ տուն ունեմ, այն պետք է պարզապես վերանորոգել», - ասում է նա։

Slider
Slider

Կասկած չկա, որ կյանքն այս վայրերում զգալիորեն կփոխվի։ Սակայն միաժամանակ կհայտնվեն նաև նոր սպառնալիքներ շրջակա միջավայրի համար։ Kass Land ընկերությունը պնդում է, որ տեղի բացառիկ բնությունը չի տուժի, քանի որ ողջ շինարարությունն ընթանալու է պահպանվող տարածքներից դուրս։

Slider
Slider

Այս տեղեկությունները Պահպանվող տարածքների հարցերի գործակալությունում ճշտել չստացվեց․ JAMnews-ի հարցումներն անպատասխան մնացին։ Վրացական բնապահպանական հասարակական կազմակերպություններն ու ակտիվիստները հաղորդել են, որ նույնպես սպասում են սկսվող նախագծի մասին ավելի մանրամասն տեղեկությունների։

Slider

 


Կարդալ ավելին JAMnews-ում